Termiz davlat universiteti axborot texnologiyalari

26.04.2021. Dars amaliy mashg’ulotdan iborat bo’lib, elektron pochta xizmatidan foydalanish ko’nikmalarini hosil qilishga qaratildi. Bunda avval Mail.ru, Google Mail, Hotmail misolida mashxur elektron pochta xizmati va Mail.uz, Inbox.uz misolida milliy elektron pochta xizmatlaridan foydalanish o’rganildi. Yangi elektron pochta qutisini ochish va o’chirish, xabar jo’natish, adreslar kitobidan foydalanish, kirish xabarlarini o’qish, xabarlarni o’chirish, xabar yaratishda formatlash teglaridan foydalanish, qora va oq ro’yxatlardan foydalanish, xabarlarga fayllarni biriktirish va kiruvchi xabarlardagi fayllarni saqlash usullari ko’rib chiqildi. Bundan tashqari foydalanuvchi kompyuteriga o’rnatiladigan The Bat va Outlook elektron pochtadan foydalanishni ta’minlab beradigan dasturlarni ishlatish ko’nikmalari o’rgatildi.

27.04.2021. Dars “Internetda axborot qidiruv tizimlari” mavzusida prezentatsiya dan boshlandi.
Quyidagi mavzular bo’yicha ma’ruza o’qildi:

• 
  Qidiruv tushunchasi;
  
• 
  Axborotni qidirish;
  
• 
  Axborotni parametrlari bo’yicha qidirish;
  
• 
  Rasmlarni qidirish;
  
• 
  Musiqa va filmlarni qidirish;
  
• 
  WWW.UZ – milliy axborot qidiruv tizimi;
  
• 
  Mashhur Internet qidiruv tizimlari;
  
• 
  Ixtisoslashgan axborot qidiruv tizimlari;
  
• 
  Qidiruv tizimlaridan to’g’ri maqsadda foydalanish.
  

Ma’ruza tugatilgandan so’ng amaliy mashg’ulot darsi o’tildi. Bunda operatsion tizimning (Windows XP) kiritilgan vositasi yordamida local ma’lumotlarni qidirish usullari, qidirish parametrlari ishlatilishi, qidirishni tezlashtirish usullari, hamda lokal qidiruv tizimi Google Search va Nero Scout dasturlaridan foydalanish usullari o’rganildi.

28.04.2021. Dars faqat amaliy mashg’ulotdan iborat bo’lib, axborot qidiruv tizimlaridan foydalanish ko’nikmalarini hosil qilishga qaratildi. Bunda Google, Yahoo, Yandex, Rambler misolida global axborot qidiruv tizimlari, Amazon, Ozon, Wikipedia misolida ixtisoslashgan axborot qidiruv tizimlari, WWW.UZ, Voydod, Doda misolida milliy axborot qidiruv tizimlaridan foydalanish usullari ko’rsatildi. Bundan tashqari ixtisoslashgan multimedia portallari, ish yarmarkasi portallari va yangiliklar portallari, va umuman ko’p ishlatiladigan veb saytlarning qidiruv tizimlari ishlatilishi o’rgatildi.