Termiz davlat universiteti axborot texnologiyalari

OLINGAN NATIJALAR VA XULOSA
Amaliyot bajarilish oxirlarida o’quvchilardan olingan test sinovlari natijalaridan so’ng o’quvchilar yangi bilimlarni o’zlashtirish darajasi 80 foizdan yuqori ekanligi ma’lum bo’ldi va bu qiymat umumiy o’zlashtirish yaxshi deb qa’bul qilish mumkinligini ko’rsatdi. Maktab o’quvchilari har kuni darslarga vaqtli kelib, ma’ruzalarni to’liq darajada o’zlashtirishga harakat qildilar, ma’ruza davomida qiziqtirgan yoki mavzuni yaxshiroq tushunib olish uchun xalaqit bermasdan savollar berib turdilar. Amaliy darslar yordamida har bir o’quvchi berilgan vazifalarni vaqtida, puxta bajarishga harakat qildilar. Bundan tashqari kompyuterda ishlashda yordam beradigan bilimlarga ega bo’lish uchun qo’shimcha vazifalarni bajardilar. O’quvchilar darslar davomida o’z irodasini va intiluvchanliklarini namoish etdilar.
Kompyuter, umuman axborot texnologiyalari hozirgi zamonamiz bilan chambarchas bog’liqligini tushintirish uchun misollarda ko’rsatib bordim. Kompyuterda ishlash ko’nikmalarini o’rganish sifatliroq va samaraliroq bo’lishi uchun amaliy ish vaqtida ishlatilgan dasturlardan foydalanishda ayrim “qisqa yo’llarni” ko’rsatib berishga harakat qildim, va mening fikrimcha ko’pgina ko’rsatilgan, o’rgatilgan saboqlar o’quvchilarga yangilik bo’lib ko’rindi. O’quvchilar o’z navbatida ko’rgan yangiliklarini iloji boricha tezroq o’rganib olishga harakat qildilar.
Amaliyot davomida dars o’tish oson bo’lmadi, lekin kerakli bilimlar, ko’nikmalarni o’rganib oldim, o’rgatish bo’yicha o’z mahoratimni oshirib bordim. Ma’ruza va amaliy ishlar davomida to’plagan bilimlarimni va qo’llanmada keltirilgan ma’lumotlarni maksimal darajada ochiq-ravona, tushunib olishga oson qilib yetkazishga harakat qildim. Har bir berilgan savolga aniq javob, agar biror bir o’quvchiga vazifani bajarishda yordam kerak bo’lsa tezkor yordam berishda urindim.
Amaliyot mobaynida menga biriktirilgan o’qituvchilar bilan ishlash yengil ishlardan biri ekanligini tushunib, ikki tomonlama kelishuv, inoq bo’lish va har bir fikrni eshitish, bir birlarimizni hurmat qilish, bular uchun maxsus usullardan foydalanish va ularni ishlab chiqishga harakat qildim, va bu amaliyot kelajakda xodimlar bilan, kasbdoshlarim bilan biror bir korxonada yuqori sifatli va samarali ishlab chiqarishga yordam beradi degan xulosaga keldim.

Amaliyotchi talaba: S. Qudratov
Amaliyot rahbari: I. G`afforov