Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

I. Qo‘llash sohasi
1.1. Sanitariya qoidalari va me’yorlari (keyingi o‘rinlarda sanitariya qoidalari) tibbiy asbob-anjomlar, buyumlarni sterilizatsiya qilish markazlarini (keyingi o‘rinlarda sterilizatsiya markazlari) joylashtirish, qurish, jihozlash va shuningdek ularda epidemiyaga qarshi chora-tadbirlarni belgilaydi.
1.2. Ushbu sanitariya qoidalari mulkchilik shakli va idoraviy mansubligidan qat’iy nazar, barcha qurilayotgan, qayta qurilayotgan sterilizatsiya markazlari (keyingi o‘rinlarda sterilizatsiya markazlari) uchun mo‘ljallangan.
1.3. Sterilizatsiya markazlarini loyihalashtirish, qurish, qayta qurish ushbu sanitariya qoidalardan tashqari amaldagi boshqa me’yoriy hujjatlar talablari ham inobatga olinishi kerak.
1.4. Sanitariya qoidalari, o‘z tashkiliy-huquqiy va mulkchilik shaklidan qat’i nazar, sterilizatsiya markazlari shuningdek tibbiy faoliyatni amalga oshirayotgan yuridik shaxslar uchun mo‘ljallangan bo‘lib, O‘zbekiston Respublikasi hududida bajarish uchun majburiydir.
1.5. Ushbu sanitariya qoidalarining bajarilish nazorati Davlat sanitariya-epidemiologiya nazoratini amalga oshiruvchi organlar tomonidan o‘rnatilgan tartibda olib boriladi.
1.6. Ushbu sanitariya qoidalari faoliyati loyihalashtirish, qurish va qayta qurish bilan bog‘liq bo‘lgan barcha yuridik shaxslar va yakka tartibdagi tadbirkorlar tomonidan ijro etish uchun majburiydir.
II. Umumiy qoidalar
2.1. Sterilizatsiya markazi, mulkchilik shakli va idoraviy bo‘ysunishidan qat’iy nazar, davolash-profilaktika muassasalarida ishlatiladigan tibbiy asbob-anjomlar va buyumlarni o‘z vaqtida va sifatli dezinfeksiya qilish, sterilizatsiya oldi tozalov, sterilizatsiya va tashishni ta’minlovchi texnik kompleks bo‘lib hisoblanadi.
2.2. Sterilizatsiya markazida tibbiy asbob-anjomlar va buyumlarni sifatli sterilizatsiya qilish uchun barcha sharoitlar, ya’ni tibbiy asboblarni samarali tozalash, talabga javob beradigan o‘rash materiallari va sterilizatsiya uskunalaridan foydalanish, ularni to‘g‘ri qadoqlash, sterilizatorning to‘g‘ri to‘ldirilishi, har bir sterilizatsiya sikliga mos parametrlarni qo‘llash va ularni nazorat qilish, sterilizatsiya qilingan tibbiy asbob-anjomlar va buyumlarni to‘g‘ri saqlash, foydalanish va transportirovka qilinishiga rioya qilinishi kerak.
2.3. Sterilizatsiya markazi quyidagi vositalar bilan ta’minlangan bo‘lishi kerak:
- tibbiy asbob-anjomlarni yuvuvchi mashinalar uchun vositalar;
- asbob-anjomlarni ultratovush tozalash uchun
- asbob-anjomlarni va ularni yuzalari uchun vositalar;
- sterilizatsiya oldi tozalov ishlari o‘tkazish uchun vositalar.
2.4. Sterilizatsiya markazi tarkibi va maydonlari zararsizlantirish uchun tushadigan tibbiy asbob-anjomlar soni va hajmiga bog‘liq.
2.5. Tibbiy buyumlarning ketma-ketlik qoidalari asosida harakatini ta’minlash uchun texnologik uskunalar, shlyuzlar va sanitariya tozalov xonalaridan iborat quyidagi zonalardan tashkil topgan bo‘lishi kerak:
- notoza (gryaznaya) zona;
- toza zona;
- steril zona;
- yordamchi xonalar.
2.6. Notoza, toza va steril zonalarni ajratish hamda ularni qayta ifloslanish ehtimolini istisno etish uchun sterilizatsiya markazi to‘siq turdagi yuvuvchi-dezinfeksiyalovchi mashinalar hamda sterilizatorlar o‘rnatilishi kerak.
2.7. Har bir zona o‘z xonalar yig‘indisi va jihozlar to‘plamiga ega bo‘lishi lozim.