Til va adabiyot fanlari tavsifi

Mustahkamlash darsi
X BO‘LIM. HUQUQIMIZ – HAQIMIZ

(5 soat)
Prezident kim? (vazifasi, huquqiy maqomi)
Davlat boshqaruviga oid til birliklari, olinma so‘zlar, ularning talaffuzi va imlosi. Ushbu til birliklarining mazmunini izohlay olish, ulardan og‘zaki va yozma nutqda foydalana olish bilan bog‘liq mashq va topshiriqlar.
Konstitutsiyadan mavzu bilan bog‘liq moddalar bilan tanishish, ular mazmunini tahlil qilish, hayotiy vaziyatlar bilan bog‘lay olish. O‘z fikrlarini ravon, izchil va faktlar asosida taqdimot ko‘rinishida ifodalay olish.
Prezidentga xat yozish. Bunda xat yozish qoidalari, murojaat birliklaridan o‘rinli foydalanish.
Tarjimayi hol, uni yaratish qoidalariga asoslanib yoza olish mashqlari. Qachon men ham saylayman? (saylovlar, saylash huquqi)
Huquqiy atamalar talaffuzi va imlosi, ushbu til birliklarining mazmunini izohlay olish, ulardan og‘zaki va yozma nutqda foydalana olish bilan bog‘liq mashq va topshiriqlar.
Rasmiy uslub – hozirgi oʻzbek adabiy tilining rasmiy yozishmalar va yuridik ishlarda amal qiladigan bir koʻrinishi. Rasmiy uslubda soʻz va soʻz shakllarini qoʻllashdagi muayyan chegaralanishlar. Rasmiy ish qogʻozlari matnining xolislik, aniqlik, ixchamlik, mazmuniy toʻliqlikdan iborat zaruriy sifatlari. Rasmiy uslub namunasini yaratish mashqlari.
Saylov byulleteni bilan tanishish, rasmiy ish qog‘ozlarining ifoda uslubi, unda qo‘llaniladigan til birliklari, grammatik shakllarni tahlil qilish.
Dalolatnoma, uning yozilish qoidalari. Dalolatnomaning yozilishidan maqsad, unda qo‘llaniladigan til birliklari. Dalolatnoma yozish.