Tola va ularni turlari. Paxta tolasining tuzilishi va kimiyoviy xossalari. Tolaning fizik-mеxanik xossalari

Пахта толасининг тузилиши ва хоссалари
Пахта толасининг тузилиши ва кимёвий хоссалари.
Пахта толаси найчадан иборат бўлиб, чигитдан ажратилганда бир учи узилади. Толанинг хоссалари унинг кимёвий таркиби ва тузилиши билан белгиланади.
Пахта толаси қуйидаги моддалардан иборат, %:
Целюлозалар ....... 97
Пектин моддалар ва пентодлар ........1,5
Азот ва оқсил моддалар ........0,3
Ёғлар ва мум ........1
Кул моддалари .......0,2
Толанинг физик-механик хоссалари. Пахта толасининг физик-механик хоссаларига чизиқли зичлиги (йўғонлиги), узунлиги, пишиқлиги, узайиши ва қайишқоқлиги, ейилишга, эгилишга, қисилишга, буралишга ҳамда толанинг тола устида сирпанишга қаршилиги, гигроскопиклиги, ранги, электр ва иссиқлик ўтказувчанлиги киради.
Чизиқли зичлик — толанинг энг муҳим хоссаларидан бири. Бу катталик маълум узунликдаги тола қандай массага эга эканлигини кўрсатади. Чизиқли зичлик текс деб аталадиган бирликларда ўлчанади.
Текс — 1 км толага (йигирилган ипга) келтирилган, граммда ёки 1 м толага келтирилган, миллиграммда ифодаланадиган масса (г/км; мг/м).
T=g/l
бу ерда: Т — толанинг, йигирилган ипнинг чизиқли зичлиги, текс, g — тола массаси, г ёки мг; l — тола узунлиги, км ёки м.
Жуда ингичка толани ўлчаш учун баъзан миллитекс катталиги ишлатилади. У 1 км толанинг миллиграммдаги массасини кўрсатади. Демак, миллитекс (мтекс) бирликлари текс бирликларидан минг марта кичик. Шунинг. учун толанинг мтекс да ифодаланган кўрсаткичи тексда ифодаланганидан 1000 марта кичик бўлади.