Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

---

TOPOGRAFIK ANATOMIYA
O‘zbekiston Respublikasi Oliy va o‘rta maxsus ta’lim vazirligi
N.H.SHOMIRZAYEV,
S.X.NAZAROV,
R.J.USMONOV
Akademiya
Toshkent 2005
O‘zbekiston Respublikasi Oliy va o‘rta maxsus ta’lim vazirligi nomonidan
tibbiyot oliy o‘quv yurtlari talabalari uchun darslik sifatida tavsiya
etilgan

---

2
Taqrizchilar:  F.N. Bohodirov 
, TTA odam anatomiyasi, operativ
jarrohlik va topografik anatomiya
kafedrasi mudiri, professor
O‘.M. Mirsharapov,
TTA odam anatomiyasi kafedrasi
mudiri, professor
N.H.SHOMIRZAYEV, S.X.NAZAROV, R.J.USMONOV.
Topografik anatomiya. 
Tibbiyot oliy o‘quv yurtlari talabalari
uchun darslik.
 
Akademiya, Toshkent, 2005-yil.
“Topografik anatomiya” tibbiyotni o‘rganish jarayonida alohida ahamiyat
kasb etadigan fanlardan biri. Zero ushbu fanni o‘zlashtira olmagan talaba malaka-
li shifokor bo‘lishi amri mahol. Mazkur darslik hozirgi vaqtda o‘zbek tilida to-
pografik anatomiya bo‘yicha darslik va o‘quv qo‘llanmalarning tanqisligini hisobga
olgan holda yozilgan. Amaldagi fan bo‘yicha namunaviy dastur asosida yozilgan
ushbu darslik tibbiyot oliy o‘quv yurtlari talabalari uchun mo‘ljallangan.
© Akademiya, Toshkent, 2005-y.

---

3
SO‘Z BOSHI
Mamlakatimiz iqtisodiy, ijtimoiy va ma’naviy taraqqiyotining hozirgi bos-
qichida boshqa sohalar qatorida sog‘liqni saqlash va uning asosi bo‘lgan tibbiyot
sohasini ham tubdan isloh qilish talab etiladi. Bu esa, o‘z navbatida, tibbiyot bi-
limgohlari oldiga zamon talabiga javob bera oladigan malakali mutaxassislarni
tayyorlashdek dolzarb vazifani yuklaydi.
O‘zbekiston Respublikasida o‘zbek tiliga Davlat tili maqomining berilgani
hamda lotin alifbosiga o‘tilishi munosabati bilan yangitdan tuzilgan namunaviy
dasturlar asosida ona tilimizdagi darslik va o‘quv qo‘llanmalarni nashr etishga
ehtiyoj kuchaydi.
Chuqur bilim va yuqori malakaga ega bo‘lgan umumiy amaliyot hamda davo-
lovchi shifokorlarni yetishtirishda topografik anatomiya va operativ jarrohlik fa-
nining ham muhim o‘rni bor.
Mazkur fanga oid shu choqqacha yaratilgan darslik va qo‘llanmalarning ak-
sariyati, birinchidan, rus tilida nashr etilgan, ikkinchidan, bu kitoblar juda kam
qolgan. Bu hol shu soha mutaxassislari, shifokorlar, ayniqsa talabalarga muayyan
qiyinchiliklar tug‘dirmoqda.
Shularni nazarda tutib, Toshkent Tibbiyot akademiyasining mutaxassislari
hozirgi kunda amalda qo‘llanayotgan dastur asosida “Topografik anatomiya” dars-
ligini tayyorladilar. Darslikdagi ma’lumotlar imkon darajasida tibbiyot amaliyoti
talablariga javob beradigan holda bayon etildi. Darslikda 1955-yilda Parijda
o‘tkazilgan Jahon anatomiya Anjumanida qabul qilingan atamalar o‘zbek va lotin
tillarida berilgan, shuningdek, keng tarqalgan ayrim anatomik eponimlar ham kelti-
rilgan. Bundan tashqari, kitob 200 dan ortiq turli rasmlar bilan boyitilgan bo‘lib,
ularning aksariyatini chizma tarzidagi bezaklar tashkil etadi. Bizning fikrimizcha,
bunday yondashuv qiyin topografik-anatomik munosabatlarni o‘zlashtirib olish
va tushunish imkonini beradi.
Darslikni nashrga tayyorlashda yordam bergan mutaxassislarga, jumladan,
kafedramiz assistenti I.J.Gulmanovga o‘z minnatdorchiligimizni bildiramiz.
Ushbu darslik mazkur fanga oid o‘zbek tilidagi dastlabki urinishlardan biri
bo‘lganligi bois ayrim kamchiliklardan holi bo‘lmasligi mumkin. Shu sababli
mualliflar kitobxonlarning barcha tanqidiy fikr-mulohazalari va istaklarini mam-
nuniyat bilan qabul qiladilar.