Topshiriq: O`zgaruvchi monitor portga chiqarilsin va uning qiymati 100ga teng bo`lganda yana nolga qaytsin

2.O`zgaruvchi monitor portga chiqarilsin uning qiymati oshib borsin va uning qiymati 10ga teng bo`lganda monitorda 10ga teng bo`ldi degan yozuv chiqsin.

Shuni endi o`quvchilarning o`zi mustaqil 20,30,40,50……teng bo`ldi deyishini qilish.

Shu yerda savol tug`iladi operatorning o`zi nima?
Operator - o`ziga yuklangan ma`lum bir shart asosida vazifani bajaruvchi vosita hisoblanadi va u dastur tuzishimizda bir qator qulayliklarga ega hisoblanadi.
Misol uchun jamiyatimizdagi insonlarni olsak, har bir insonni o`zi bajaradigan vazifasi bo`ladi. O`quvchining vazifasi o`qish bo`lsa, o`qituvchining vazifasi ana shu o`quvchilarga bilim berishdan iborat.
Elektronika sohasida lampochka yoritish vazifasini bajarsa, sim ana shu lampochkani elektr ta`minotiga ulash vazifasini bajaradi.
Operatorlar ham bajaradigan vazifasiga ko`ra turlarga ajratilgan.
Biz hozirda asosiy 4ta operatordan foydalanamiz.
1. if-shart operatori.
2. for-takrorlanuvchi operatori.
3. while operatori.
4. switch-tanlash operatori.
Lekin bu darsda faqat “ if ” operatori bilan cheklanamiz.
Topshiriq:
3. 10gacha sanasin va 10ga teng bo`lganda svetodiod yonib monitorga “10ga teng bo`ldi” degan yozuvni chiqarsin.

Shuni endi o`quvchilarning o`zi mustaqil 10,20,30,40…..ga teng bo`ldi deyishini qilish va shunga mos ravishda 10ta svetodiodni yoqish.

Biz bu darsda shartni yozayotganimizda hozircha 2ta mantiqiy amallardan foydalanamiz.Bular: “ = ” va “ == ”.
O‘zlashtirish operatori.” = ”
O‘zlashtirish operatori: “ = ” belgidan chap tomonda turgan qiymatni “ = ” belgisidan o‘ng tomondagilarni hisoblangan qiymatiga almashtiradi. Masalan,
x = a + b;
ifodasi. Bu yerda “ x ”: a va b o‘zgaruvchilarni qiymatlarini qo‘shishdan hosil bo‘lgan natijani o‘zlashtiradi.
Tenglashtirish operatori. “ == ”.
Tenglashtirish operatori “ == ” belgisidan o`ng tomonda turgan qiymat bilan chap tomonda turgan son qiymatini solishtirib, tenglashtirib ko`radi. Masalan,
y==a + b;
ifoda. Bu yerda “ y ”: a va b o‘zgaruvchilarni qiymatlarini qo‘shishdan hosil bo‘lgan natija bilan o`zining qiymatini tekshiradi. Agar tenglashtirilgan qiymat shartni qanoatlantirsa u holda operatsiyani bajaradi, agar tenglashtirilgan qiymat shartni qanoatlantirmasa shartning ichidan chiqib ketadi.
Bularga qo`shimcha tarzda “ < ” , “ > ” katta va kichik belgilaridan foydalanamiz.