Тошкент-2019 Экспертиза тушунчаси, экспертиза турлари ва экспертиза тайинлашнинг хуқуқий асослари

12-савол.
Товарлар номенклатураси тушунчаси, божхона амалиётида ТИФ ТНнинг вазифалари.

Республикамизда, аввал таъкидланганидек, ТИФ ТН нинг бутун дунё амалиётида қўлланилаётган Уйғунлашган тизими асосида божхона фаолиятини ташкил қилиш долзарб масалалардан бири ҳисобланади.

Табиийки, товарлар номенклатурасини яратиш -бу узоқ давом этадиган, илмий изланишларни талаб қиладиган жараён. Бунда кимёгарлар, фармацевтлар, технологлар, товаршунослар ва бошқа турли соҳа мутахассислари иштирок этишлари керак.
Табиийки, товарлар номенклатурасини яратиш – бу узоқ давом этадиган, илмий изланишларни талаб қиладиган жараён. Бунда товаршунослар, кимёгарлар, фармацевтлар, технологлар ва бошқа турли соҳа мутахассислари иштирок этишлари керак.
Номенклатура – лотинча «nomenclaturа» сўзидан олинган бўлиб, фан ва техниканинг бирон бир соҳасида ишлатиладиган товар номларининг рўйхатлар йиғиндисидир.
Товарлар номенклатураси – «Товаршунослик», «Уйғунлашган тизим», «Божхона иши» асослари, «Божхона экспертизаси», «Ташқи иқтисодий фаолиятни давлат томонидан бошқариш», «Божхона қиймати» каби фанлар билан узвий боғланган бўлиб, унда 100 мингдан ортиқ номдаги товарларнинг рўйхати келтирилади.
Товарлар номенклатураси–бу инсон ҳаёти давомида ишлатиладиган товарлар номларининг ТН синфлаш қоидалари бўйича маълум бир тизимга солинган рўйхати бўлиб, унда божхона ходимлари ва декларантлар ўз хизмат фаолиятида фойдаланадилар.
Товарлар-тури, келиб чиқиши, ишлатилиши, таркиби бўйича турли хил бўлади. Барча товарларни маълум тизим асосида номлаш, қўллаш учун уларнинг бир системага, яъни товарлар номенклатурасига киритиш, ташқи иқтисодий фаолиятда товарларнинг ягона қоидага бўйсунишига асосланган товарларни синфлаш тартибини ишлаб чиқиш зарурати пайдо бўлди.
Синфлаш термини–деганда, турли хил товарларни уларнинг бажарадиган вазифаларига, таркибига, қиймати ва товарларга хос хусусиятларига кўра-гуруҳларга (позиция, подпозиция, субпозиция) бўлиш тушунилади. Товарлар кимёвий таркиби, ишлов бериш даражаси ва бошқа хоссалари бўйича ҳам синфланиши мумкин. Ушбу системага мувофиқ барча товарларга бўлим, гуруҳ ва гуруҳчалар бўйича алоҳида ТИФ ТН халқаро код рақами берилади.
Ташқи иқтисодий фаолият товарлар номенклатураси товарларни синфлашнинг асосий қоидалари асосида инсон эҳтиёжлари учун ишлатиладиган, ҳар қандай физик ҳаракатга эга бўлган товарларнинг код рақамларини белгилайди.