Toshkent arxitektura qurilish instituti d. Sh. Inoyatova qurilishda menejment

Qurilishni uyushtirish loyihasi
(QUL) loyiha-smeta hujjatlarining tarkibiy 
qismidan biri bo‘lib u buyurtmachi, pudratchi va qurilishning material-texnik 
ta’minotida ishtirok etuvchi barcha tashkilot va korxonalar uchun bo‘lishi shart 
bo‘lgan hujjatdir. Bu loyiha asosan bosh loyihachi tomonidan ishlab chiqariladi va 
buning uchun zarur bo‘lgan sarf-xarajatlar asosiy loyihani tayyorlash smetasiga 
kiritilib buyurtmachi tomonidan to‘lanadi. 
Qurilishni uyushtirish loyihasi qurilishni o‘z vaqtida sifatli qilib bitkazishda 
va sarflangan kapital mablag‘ning samaradorligini oshirishda muhim ahamiyat 
kasb etadi. 
U mazmunan qurilishga tayyorgarlik ko‘rish davridan boshlab uni qurilish 
va foydalanishga topshirishgacha bo‘lgan davrlar uchun qurilish ishlab chiqarishini 
mavjud 
me’yorlar, 
tartib-qoidalar 
asosida 
tashkil 
qilishni 
o‘zida 
mujassamlashtiradi. Bundan kelib chiqqan holda QUL tarkibiga quyidagilar kiradi: 
1. Tayyorgarlik va asosiy qurilish davrlari uchun qurilish bosh tarxi. 

---

38 
2. Tayyorgarlik va asosiy qurilish davrlari uchun qurilishni taqvimiy 
rejalari. 
3. Shaxbalarni qurib bitkazishning tashkiliy - texnologik chizmalari. 
4. Asosiy qurilish - montaj ishlari qaydnomasi. 
5. Tuzilmalarga, materiallarga va texnologik jihozlarga bo‘lgan ehtiyoj 
qaydiomasi. 
6. Qurilish mashinalariga bo‘lgan talab ro‘yxati. 
Bulardan tashqari qo‘shimcha quyidagilar hisobga olinishi zarur 
•
texnik -iqtisodiy asoslari; 
•
muhandislik -qidiruv ishlari hisoboti; 
•
qurilish meteriallari, tuzilmalari, mashina va mexanizmlarni ishlatish 
(qo‘llash) to‘g‘risida qabul qilingan va pudratchi bilan kelishilgan qarorlar; 
• qurilish materiallari, tuzilmalari va jihozlarini yetkazib berish va tashib 
keltirish shartlari; 
• qurilishni energiya va suv bilan ta’minlash manbalari to‘g‘risidagi 
ma’lumotlar; 
• buyurtmachi va pudratchining boshqa talablari, masalan vaqtinchalik turar 
-joy binolariga, yordamchi ishlab chiqarish binolariga zaruriyat va boshqalar; 
• qurilishning umumiy va alohida qismlari bo‘yicha muddatlari.