Toshkent davlat agrar unversiteti termiz filiali

3.5. Avtotraktorlarning yordamchi va qo’shimcha jihozlari
Haydovchi mehnat sharoitini yaxshilash uchun xizmat qiladi, u barcha uskunalar bilan jihozlangan kabinadan iboratdir. Yuk avtomashinasining kabinasi yaxlit metalldan yasalib, shamollatish, isitish va oldingi oynasini puflash va yuvish moslamalari bilan ta’minlangan. Isitish uchun radiatordan silindrlar golovkasiga yuboriladigan issiq suvdan foydalaniladi. Tashqi havo ventilyatsiya kanali orqali kiradi, isitilgan havo oldingi oynaga va kabinadagilar oyoqlariga yo’naltiriladi. Kabinada yumshoq o’rindiq va suyanchiq hamda orqani ko’rsatadigan oyna bor. Traktorning kabinasi (MTZ-80 misolida) geometrik shakl qilib yasalgan ichki qoplamasi issiq va shovqinni o’tkazmaydigan materialdan ishlangan, titrashni so’ndiradigan rezinka amortizatorga o’rnatilgan. Kabina karkasi traktor ag’darilganda traktorchini saqlab qoladigan darajada mustahkam qilingan. O’rindig’ini traktorchining bo’yicha va vazniga moslash mumkin. SHamollatish uchun kabinaning yuqori tomoni va orqa oynasi ochiladigan, kabina eshiklari qulflab qo’yiladi. Kabinada: ikkita oyna tozalagich, uchta ko’zgu, aptechka, termos, kiyim iladigan ilmoq va h. k. lar bor.
Traktorning qo’shimcha uskunalari: dvigatelni yurgazib yuborishdagi isitish moslamasi, traktorni sekin yurgizgich, yonlama QOV, yuritma shkiv, oldingi va ketingi g’ildiraklarga o’rnatiladigan ballast yuklardan iborat.
Avtomobilning qo’shimcha uskunalari: shatakka olish moslamasi, tayanch ilgak qurilmasi lebedka va o’tag’onligini oshirish moslamasi. Pritseplarni va boshqa avtomobillarni shatakka olish uchun yuk avtomobil ramasiga shatakka olish moslamasi o’rnatiladi va turtkilarni yumshatish uchun prujinalar o’rnatiladi. Avtomobillarda pritseplarni sharnirli ulash uchun tayanch ilgak qurilmasi o’rnatiladi. Uning tuzilishi tayanch ilgak pritsepning avtomatik ulanishini ta’minlaydi.
Lebedka: yuklarni siljitish, avtomobilь tiqilib qolganda uning o’zini o’zi tortib chiqarishi uchun mo’ljallangan. Lebedka: tros, tormozli baraban, reduktor hamda yuritmadan iborat. Avtomobillarning o’tag’onligini oshirish uchun sirpanchiq yo’llarda yurishda g’ildiraklarga mayda bo’g’inli zanjir o’rnatiladi.