Toshkent davlat texnika universiteti mashinasozlik fakulteti

1.2-rasm. Issiqlik almashinuvi yuzasi aylanadigan markazdan qochma bug‘latgich.
(6) – bug‘lantirilgan eritma uchun va (5) – isituvchi bug‘ uchun. Issiqlik almashinuvi yuzasi bo‘lib yupqadevorli konus (8) hizmat qiladi. Bug‘lantirilgan eritma harakatsiz patrubok (9) orqali kameralar (6) ga uzatiladi va markazdan yuguruvchi kuch hisobiga yupqa harakatlanayotgan parda bo‘lib konus (8) ning ichki yuzasi bo‘ylab rotor korpusidagi maxsus kollektorga taqsimlanadi hamda undan so‘ruvchi nay (2) orqali chiqariladi. Isituvchi bug‘ rotor tagidan kameralarga (5) kiritiladi va konus (8) ning tashqi devorini isitadi. Kondensat rotordan so‘ruvchi nay (7) yordamida chiqarib yuboriladi.
Rotor burchak rezligining ko‘tarilishi bilan suyuqlik pardasining bug‘lanish jarayoni jadallashadi. Ammo aylanish chastotasining anchaga oshishi konstruksiyaning murakkablashuvi sababli, ya’ni tez aylanayotgan vallarni germetizasiya qilish zaruriyati tufayli apparat ishonchligining pasayishiga olib keladi.

Issiqlik almashinuvining maksimal jadalligi issiqlik almashinuvi yuzasining to‘liq ho‘llanilishidagi sug‘orishning minimal zichligiga mos keladi. Sug‘orish zichligining oshishi bug‘latgichning konsentrasiyalash qobiliyatining pasayishiga, minimal ko‘rsatgichlardan ham kamayishi esa issiqlik almashinuvi yuzasi bir qismining yalang‘ochlanib qolishiga hamda qizib ketgan joylarga tushib qolgan mahsulotning kuyishiga olib keladi.

Isituvchi va ikkilamchi bug‘ haroratlari farqining ko‘payishi bilan issiqlik almashinuvining jadallashuvi sodir bo‘ladi. Ammo sanoat apparatlari harorat naporining optimal ko‘rsatkichi haroratga chidamsiz mahsulotlar denaturasiyaga uchramasligi shartidan kelib chiqib aniqlanishi kerak.


1.3. Rotorli pardali bug‘latgichlar.
A
pparat devori va bug‘lanuvchi suyuqlik orasidagi issiqlik almashinuvi jarayonini oqib tushayotgan suyuqlik pardasini mexanik aralashtirish orqali ancha jadallashtirish mumkin. Bunga qovushqoq, termolabil, kristallanuvchi muhitlarni qayta ishlashda almashtirib bo‘lmaydigan rotorli pardali buglatgichlarda erishiladi.