Toshkent davlat texnika universiteti tasdiqlayman

Sporalarni boʻyash uchun maxsus murakkab boʻyash usullari qoʻllaniladi, chunki sporalar zich qobigʻi borligidan oddiy usulda boʻyalmaydi. Sporani boʻyamoq uchun (Ojeshko usuli) qobigʻini yumshatish kerak, buning uchun karbol kislota, xlorid kislota yoki boshqa moddalar bilan yuqori haroratda dorilanadi. Soʻngra sporalar Sil-Nilsen usulida boʻyaladi. Boʻyalgan sporalar kislota ta’sirida rangini yuqotmaydi.
Bakteriyalar kapsulasini koʻrish. Preparat odatdagi usullar bilan boʻyalganda mikroblar kapsulasi koʻrinmaydl, chunki ular boʻyalmaydi. Kapsulalarni negativ preparatlarda qorongʻi fonda koʻrish osonroq, buning uchun buyum oynasidagi surtmani suvli fuksin bilan (5-10 minut) yoki boshqa boʻyoqlar bilan qoʻshimcha boʻyash kerak (Gins usuli). Mikroskopda quyidagi manzara kurinadi: toʻq qizil fonda rangsiz kapsula, qizil tayoqchalar koʻzga tashlanadi.
Zamburugʻlar va achitqilarni mikroskopda tekshirish uchun boʻyalmagan preparatlar – ezilgan yoki osilgan tomchidan foydalaniladi.
Spiroxetalar asosan qorongʻilatilgan koʻrish maydonida yoki negativ preparatlarda tekshiriladi. Ba’zi spiroxetalarni boʻyalgan preparatlarda tekshirish mumkin, buning uchun maxsus boʻyash usullari (Romanovskiy-Gimza usulida boʻyash) tatbiq etiladi.
Sodda jonivorlarni tekshirishda turli usullar tatbiq etiladi. Sodda jonivorlar ba’zan tiriklayin tekshirilsa, ba’zan murakkab boʻyash usullari qoʻllaniladi. Bu usul sodda jonivorlar hujayrasining struktura elementlarini (yadro, protoplazma va shunga oʻxshashlarni) differensiallashga imkon beradi (Romanovskiy usuli).


Nazorat savollari:

1. Stafilokokklar qanday ko‘rinishda bo‘ladi?

2. Bakteriofaglar nima?
3. Filtrlovchi viruslar nima?
4. Mikroorganizmlarni aniqlashni qanday usullarini bilasiz?
5. Gram usulida boʻyash uchun qanday boʻyoqlardan foydalaniladi?


4-laboratoriya ishi
Mavzu: Mikroorganizmlarning o‘lchamini aniqlash