Toshkent moliya instituti ijtimoiy soha iqtisodiyoti fanidan

Kafedra mudiri X.Asatullayev

Fanning ishchi o’quv dasturi institut o’quv-uslubiy Kengashining 2018 yil avgustdagi 1 sonli yig’ilishida ko’rib chiqilgan va tasdiqlash uchun tavsiya qilingan.

Fanning ishchi o’quv dasturi institut Kengashining 2018 yil avgustdagi 1/ sonli majlisi bayoni bilan ma’qullangan.
KIRISH
“Ijtimoiy soha” iqtisodiyoti o‘quv kursi iqtisodiyot fanlarning asosiy qismlardan biri bo‘lib, iqtisodiy mutaxassisliklar uchun mo‘ljallangan.
O‘zbekiston Respublikasining Birinchi Prezidenti I.A.Karimov O‘zbekiston Respublikasi Oliy Majlisi Qonunchilik palatasi va Senatining qo‘shma majlisidagi ma’ruzasida O‘zbekiston Respublikasi iqtisodiyotini yanada rivojlantirish borasida to‘xtalib “... bizning yaqin istiqboldagi eng muhim vazifamiz boshlagan ishlarimizni izchil davom ettirish – iste’mol talabini kengaytirish maqsadida sotsial sohani rivojlantirish, mehnatga haq to‘lashni yanada oshirish, xizmat ko‘rsatish sektorini, infratuzilma ob’ektlarini rivojlantrishga, transport va kommunikatsiya loyihalari amalga oshirilishiga alohida e’tibor berishdir”¹ deb ta’kidlab o‘tdilar.
Ijtimoiy sohani tarkibiy qismlaridan biri bo‘lib, xizmat ko‘rsatish sohasi hisoblanadi. Shu sohani ahamiyatini alohida ta’kidlab Prezidentimiz I.A.Karimov o‘z asarlarida “Davlat jami xarajatlarining asosiy qismi, ya’ni qariyb 59,2 foizi ijtimoiy soha va aholini ijtimoiy himoya qilish chora–tadbirlarini amalga oshirishga qaratildi”².
Talabalarga mazkur fan xususiyatlari doirasida O‘zbekiston Respublikasi Prezidenti I.A.Karimov ushbu asarida keltirilgan materiallar, qoidalar va xulosalarni puxta o‘zlash-tirishlari, kelgusi faoliyatida samarali foydalanishlari hamda ijodiy yondashishlarini ta’minlash fanni o‘rganish oldida turgan asosiy vazifalaridan biridir.

Fanning maqsadi va vazifalari

Fanni o’qitishdan maqsadi – ijtimoiy soha iqtisodiyotini ijtimoiy jihatdan yo’nal-tirilgan bozor iqtisodiyoti tamoyillarini o’rgatishdan iborat.
Fanning vazifasi – talabalarga ijtimoiy sohani boshqarishda davlatning o’rni; ijtimoiy sohada baholar va subsidiyalar; aholi turmush darajasini belgilash; kommunal xo’jalik tarmog’ini, ta’lim va aholiga maishiy xizmat ko’rsatishni rivojlantirishni; tibbiy xizmat va turizm iqtisodiyoti; aholini ijtimoiy himoya-lash, nafaqa ta’minoti, sug’urta, mehnat bozori va bandlik muammolari haqida nazariy- amaliy bilimlarni o’rgatishdan iborat. Har bir mavzu yakunida ta’lim texnologiyalari keltirilgan va ularni qo’llash yuzasidan aniq tavsiyalar mazkur fandan ishlab chiqilgan o’quv-uslubiy majmua (O’UM)da bayon etilgan.



¹ I.A.Karimov. Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi: O‘zbekiston Respublikasi Oliy Majlisi Qonunchilik palatasi va Senatining qo‘shma majlisidagi ma’ruzasi. T.: O‘zbekiston, 2010. – 56 b.
² O‘zbekiston Respublikasi Prezidenti Islom Karimovning 2012 yilda mamlakatimizni ijtimoiy-iqtisodiy rivojlantirish yakunlari hamda 2013 yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining majlisidagi “Bosh maqsadimiz – keng ko‘lamli islohotlar va modernizatsiya yo‘lini qat’iyat bilan davom ettirish” to‘g‘risidagi ma’ruzasi. (“Xalq so‘zi” gazetasi, 2013 yil 19 yanvar, № 13 (5687))