Toshkent moliya instituti Sirtqi fakultetining “Moliya” ta’lim yo’nalishi mms-66 guruh, 4-kurs talabasi Qilichev Bunyod Azamat o’g’li “Davlat byudjeti” fanidan

Toshkent moliya instituti Sirtqi fakultetining “Moliya” ta’lim yo’nalishi MMS-66 guruh, 4-kurs talabasi Qilichev Bunyod Azamat o’g’li “Davlat byudjeti” fanidan “O’zbekiston Respublikasida maktab ta’limini rivojlantirishning moliyaviy masalalari” mavzusidagi kurs ishiga


TAQRIZ

Mustaqillik yillarida O‘zbekiston Respublikasining qonunchiligiiga asoslangan xalq ta’limi sohasini davlat tomonidan tartibga solish tizimi shakllandi. Bugungi kunda jahonda kechayotgan globallashuv va texnologik qurollanish bosqichida mamlakatimizda ta’lim va tarbiyaga berilayotgan e’tibor va inson kapitaliga yo’nalirilgan investitsiyalar optimal islohotlar olib borilayotganidan darak beradi. Jamiyatning ilmiy salohiyati rivojida maktab – bu fundamental ta’sir kuchiga ega tashkilotdir. Qolaversa, 2019 yil 27 noyabrda O’zbekiston Respublikasi Prezidentining “Zamonaviy maktablarni tashkil etish chora-tadbirlari to‘g‘risida” PQ4537-son Qaroriga muvofik umumiy o‘rta ta’lim tizimida ilg‘or xalqaro tajriba va jamiyatning zamonaviy talablariga muvofiq sifatli ta’lim olish imkoniyatlarini yaratish, xalq ta’limi muassasalarining moddiy-texnik bazasini mustahkamlash va budjetdan mablag‘ bilan ta’minlashning samaradorligini oshirish, yoshlar ta’lim-tarbiyasi uchun qo‘shimcha sharoitlar yaratishga qaratilgan chora-tadbirlarni amalga oshirish bo‘yicha izchil islohotlar amalga oshirilmoqda. Shuningdek, 2020 yil 7 noyabrda O’zbekiston Respublikasi Prezidentining “Ta’lim-tarbiya tizimini yanada takomillashtirishga oid qo‘shimcha chora-tadbirlar to‘g‘risida PQ4884-son Qarorining qabul qilinishi jamiyatimizda maktab ta’lim tizimini rivojlantirishga qaratilgan yuksak e’tibordan darakdir.

Kurs ishi kirish, uchta bo’lim, xulosa va foydalanilgan adabiyotlar ro’yxatidan iborat. Kurs ishining kirish qismida mavzuning dolzarbligi, predmet va obyekti, ishning maqsadi, vazifalari va tarkibi keltirilgan.
Kurs ishining birinchi bo’limi “O’zbekiston Respublikasida maktab ta’limini rivojlantirishning nazariy asoslari” deb nomlanib, bunda, maktab ta’lim tizimi mazmuni va rivojlantirish maqsadlari haqidagi nazariy asoslarini o’rganishga to’xtalib o’tilgan.
Kurs ishining ikkinchi bo’limi “Ta’limni rivojlantirishning xorij tajribasi” deb nomlanib, unda Rossiya Federatsiyasi, Qozog’iston, Xitoy kabi mamlakatlar maktab ta’limning strukturasi o’rganilgan.
Kurs ishining uchinchi bo’limi “O’zbekiston Respublikasida maktab ta’liminining amaliyotdagi holati va tahlili” deb nomlanib, unda qonunda keltirilgan huquqiy jihatlar va amaliy jarayonlar bilan bir biriga mosligi va davlat byudjeti tomonidan xalq ta’limi sohasiga yo’naltirilgan xarajatlari tahlil qilingan.
Ish so’nggida mavzu bo’yicha tegishli xulosalar shakllantirilgan.
Umuman olganda, B.Qilichevning “O’zbekiston Respublikasida maktab ta’limini rivojlantirishning moliyaviy masalalari” mavzusidagi kurs ishi tarkibiy tuzilishi va mazmuni bo’yicha qo’yilgan talablarga javob beradi, ammo yutuqlar bilan birga kamchiliklar ham yo’q emas. Jumladan, kurs ishida bir qator orfografik xatolarga yo’l qo’yilgan, shu bilan birga foydalanilgan adabiyotlar ro’yxati to’g’ri va tartib bo’yicha shakillantirilmagan. Yuqoridagi xatolarni bartaraf etgandan so’nggina uni komissiya oldida himoya qilishga tavsiya etamiz.
“Moliya-kredit”
kafedrasi o’qituvchisi B.B.Ochilov