Toshkent tibbiyot akademiyasi huzuridagi harbiy-tibbiyot fakulteti

Ommaviy qirg„in qurol
– qurolli kurash kechayotgan yirik hududlar va 
fazoning barcha sohalarida qisqa muddat ichida ommaviy qirg„in keltirish va ulkan 
vayronagarchiliklar hosil qilish qobiliyatiga ega bo„lib, o„tkazadigan ta'sirining 
tanlanish darajasi past bo„lgan qurolli kurash vositasi. 
OQQ vositasida shikast yetkaziladigan ob'ektlar jumlasiga odamlar, ular 
mehnatining mahsuli, yashashlari uchun zarur bo„lgan tabiiy muhit, ya'ni 
o„simliklar dunyosi, hayvonot olami, tuproq qatlami, iqlim va geofizika 
elementlari kiradi. 
OQQning shikast yetkazish omillari yuqorida zikr etilgan ob'ektlarga 
bevosita qurol qo„llanilganidan so„ng ham, kelgusi uzoq vaqt ham ta'sir o„tkazib 
borishi mumkin. Bunday qurol qo„llanilganidan so„ng ko„riladigan yo„qotish va 
yuzaga keladigan vayronaliklar miqyosi qo„shinlar va tinch aholiga nihoyatda 
kuchli ma'naviy-ruhiy ta'sir o„tkazadi. OQQning mavjud turlariga yadro quroli, 
kimyoviy qurol, biologik (bakteriologik) qurol, radiologik qurol, qudratli yondirish 
qurollari kiradi.