Toshkent tibbiyot akademiyasi huzuridagi harbiy-tibbiyot fakulteti

Komandir (boshlig‟) ning ishonchliligi
– avvalambor, uning yuksak 
harbiy-professional bilim, ko„nikma va mahorat sohibi bo„lishi, topshirilgan vazifa 
ijrosi uchun mas'uliyatni o„z zimmasiga to„la-to„kis ola bilishidir. 
Keskin vaziyatda o„z hayotini xavf ostiga qo„ygan, og„ir psixologik 
yuklamani boshdan kechirayotgan komandir(boshlig‟)ning ishonchliligi har 
qanday manfaatdan ustun turadigan harbiy burchni idrok etishi, qat'iyligi, yuksak 
jangovar va ma'naviy-ruhiy sifatlarini namoyon eta bilishi bilan belgilanadi. 
Xalq tinchligi va xavfsizligini himoya qilayotgan, davlat chegaralarining 
daxlsizligini ishonchli ta‟minlayotgan O„zbekiston Respublikasining milliy 
armiyasi o„z qudrati, qurollanganlik darajasi va shaxsiy tarkibining harbiy 
mahorati ila hyech kimga yon bermasligi, har qanday agressorni, u qanday qiyofa 
yoki shaklda namoyon bo„lmasin, daf etishga qodir bo„lishi shart. 
Armiyaning jangovar qobiliyati, har qanday murakkab vaziyatdan munosib 
chiqa bilishi nafaqat shaxsiy tarkibning jismoniy tayyorgarligi, bo„linmalarning 
zamonaviy texnika va qurol-aslaha turlari bilan puxta qurollanganligi, balki harbiy 

---

11 
xizmatchilarning yuksak ma'naviy sifatlari, shijoati, yuksak intellektual salohiyati, 
zamonaviy texnikaning sir-asrorlarini puxta o„zlashtira bilishi va professionallik 
darajasiga bog„liqdir. 
Professional armiya tushunchasi, avvalambor, harbiy xizmatchilarning 
mustahkam hayotiy pozitsiya, vatanparvarlik ruhidagi dunyoqarashi, ishonib 
topshirilgan qurol-yarog„ va texnikani puxta o„zlashtirib, mahorat-la qo„llay olish 
qobiliyatiga ega bo„lishini anglatadi. 
Vatani, tug„ilib o„sgan yurtini sevgan, xalqi erishgan yutuq va 
muvaffaqiyatlardan g„ururlangan jangchi qalbida, ushbu yurt va xalqqa bo„lgan 
cheksiz sadoqat shakllanib, nihoyatda xushxulq bo„ladi. 
Har qanday pog„onaga mansub komandir o„z bo„ysunuvchilarining qalbida 
vatanparvarlik, yurt taqdiri uchun ongli mas'uliyat, Vatan, uning mustaqilligi, 
hududiy yaxlitligi, xalqning tinch va osoyishta hayotini himoya qilishga ilk 
da'vatga javoban shay bo„lish tuyg„usini muntazam shakllantirib borishi lozim. 
Qurolli Kuchlar oldida turgan vazifalarni hal etish jarayonida shaxsiy tarkibning 
ma'naviy-axloqiy va vatanparvarlik ruhidagi tarbiyasi, harbiy xizmatchilarning 
zamonaviy jangda zarur bo„ladigan yuksak ma'naviy sifatlari, shijoati o„ta muhim 
ahamiyat kasb etadi.