Toshmurodov Asadulla

Toshmurodov Asadulla

O’ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI SAMARQAND FILIALI

“KOMPYUTER INJINIRINGI” FAKULTETI

“KOMPYUTER TIZIMLARI” KAFEDRASI


INDIVIDUAL LOYIHASHDAN
Mavzu: ROBOTOTEXNIKA HAQIDA.


Guruh: 303-guruh.
Bajardi: Toshmurodov Asadulla


Samarqand-2020
ROBOTOTEXNIKA.

1. 
   ROBOTOTEXNIKA HAQIDA.
   
2. 
   ROBOT NIMA?
   
3. 
   ROBOTOTEXNIKA YURTIMIZDA.
   
4. 
   ROBOTLAR INQILOBI YAQINLASHMOQDA.
   
5. 
   ROBOTOTEXNIKA VA UNING QURILMALARI
   

1. 
   ROBOTLAR VA MANIPULYATORLAR
   
2. 
   ROBOT TEXNIKASINING TASNIFI
   
3. 
   ROBOT VA ROBOT TEXNIKASINING ISHLATILISHI VA RIVOJLANISHI
   

6. 
   XULOSA
   
7. 
   FOYDALANILGAN INTERNET MANBAALARI.
   

1. 
   ROBOTOTEXNIKA HAQIDA.
   

Hayot shiddat bilan olgʻa bosmoqda. Kompyuter va robototexnikalar tufayli oʻzgarishlar, kashfiyotlar har kuni sodir boʻlayotir. Yoshlarining mazkur jarayonga muvaffaqiyatli kirib borishi va faol ishtirok etishi bugungi kunning dolzarb talablaridan biridir. Ushbu taraqqiyot yoʻli taʼlim muassasalaridan boshlanadi.
Mamlakatimizda kompyuter texnologiyasini oʻrganishga oid darslik va qoʻllanmalar istagancha topiladi. Biroq robototexnika fanini oʻrganish hali yetarli darajada yoʻlga qoʻyilmagan. Holbuki, robototexnikani oʻzlashtirmasdan dunyo taraqqiyotiga qoʻshilib, uning yutuqlariga erishib boʻlmaydi. Shu boisdan ham umumiy oʻrta taʼlim hamda oʻrta maxsus va oliy taʼlim muassasalarida robototexnika alohida dars sifatida oʻqitilishi zamon talabiga aylanib ulgurdi.
Robototexnika darsi oʻziga xos qiziqarli boʻlishi bilan birga maktablarda fizika, matematika, informatika darslarini chuqurroq oʻrganish, yoshlarni chuqur fikrlash qobiliyatlarini rivojlantirish, jamiyat hayotida oʻz oʻrinlarini his etishlari uchun juda katta ahamiyatga ega. Bu esa oʻquvchilarda ushbu darslarga mehrni kuchaytiradi, qiziqishini orttiradi, nazariy bilimlarini amaliyotga tatbiq etishda samarali natijalar beradi va eng asosiysi xalqaro talim tizimi “STEM — (Science, Technology, Engineering and Mathematics)”ni joriy qilinishida oʻz hissasini qoʻshadi.
Innovatsion rivojlanish vazirligi huzuridagi Innovatsion ishlanmalarni joriy etish ilmiy-amaliy markazi tomonidan bu borada bir qator muvaffaqiyatlarga erishilmoqda. Xususan, maktab oʻquvchilarining qishki taʼtil vaqtini mazmunli va foydali oʻtkazish maqsadida “Innocamp” innovatsion oromgohi tashkil etildi. Poytaxtimizda “International Robotics Challenge” — xalqaro robototexnika musobaqasi” oʻtkazildi. Yurtimiz yoshlari Qozogʻiston Respublikasi Petrapvlovsk shahrida boʻlib oʻtgan xalqaro musobaqada “Original robot” nominatsiyasi gʻolibi boʻldi. Ayniqsa, Innovatsion ishlanmalarni joriy etish ilmiy-amaliy markazi bilan Xalqaro robototexnika olimpiadasi qoʻmitasi (“International Robot Olympiad Committee”) oʻzaro anglashuv memorandumi imzolangani ulkan tarixiy voqea boʻldi.
Yurtimizda avtomatizatsiyalashtirilgan texnologiya bozori hali rivojlanish bosqichida. Ayni paytda sanoat robotlariga talab kundan-kun oshib bormoqda. Shu maʼnoda, vazirligimiz bir qator davlatlarning bu boradagi tajribasini chuqur oʻrganib, yurtimiz sanoat robototexnikasi sohasiga keng tatbiq etib kelmoqda. Masalan, Janubiy Koreyaning TEGU sanoat robototexnikasini avtomatlashtirish markazi bilan samarali hamkorlik aloqalari yoʻlga qoʻyilgan. Hozirgi paytda Janubiy koreyalik doʻstlarimiz Oʻzbekistonda texno-park tashkil qilishga qiziqish bildirmoqda.
Shuni qayd etish lozimki, robototexnika fanini taʼlim tizimiga izchillik bilan joriy etish kelajakda yoshlarning zamon talablariga mos fikrlash doirasining shakllanishiga zamin yaratadi. Qolaversa, nafaqat robototexnika sohasida balki iqtisodiyotning boshqa turli tizimlari rivojlanishiga turtki boʻladi.