Mavzu: 1-sinflarda “Tovushlar va harflar” bo’limini o’rgatish orqali fonetik
bilimni shakllantirish .
Reja:
I Kirish:
Boshlang’ich sinflarda ona tili darslarining qo’llanilishidan maqsad.
II Asosiy qism:
1.
Fonetika va grafika asoslarini o’rganish metodikasi.
2.
Savod o’rgatish davri.
3.
Tovushlar va harflar, unli va undosh tovushlarning xususiyatlari bilan
tanishtirish.
4.
O’quvchilar fonetik bilimlarini tekshirish metodlari.
III Xulosa.
IV.Foydalanilgan adabiyotlar.
Kirish
Boshlang’ich sinflarda ona tili darslarining qo’llanishidan maqsad.
O’zbek xalqi juda qadim zamonlardanoq ilm-fanga katta e’tibor bilan
qaragan va uni rivojlantirishga harakat qilgan. Ibn-Sino, Beruniy, Al-Xorazmiy,
Amir Temur, Ulug’bek va boshqa ko’plab allomalar ilm-fanni dunyoga tanitganlar.
Ilm-fan, ma’rifatga beqiyos hurmat bilan qaragan xalqimiz qanday qiyinchilik va
to’siqlar bo’lmasin, o’z farzandlarining savodli bo’lishini orzu qilganlar, ularni
yoshligidanoq maktabga o’qishga berganlar. Maktabdor domlalar o’z usullari va
tajribalariga asosalanib bolalarga saboq berganlar.
Demak, O’zbekistobda o’qitishning o’ziga xos usullari mavjud bo’lgan va
ular rivojlanib borgan. Bu jarayon silliq kechmgan, ba’zi xato va kamchiliklarga
yo’l qo’yilgan. Chunonchi, XX asrning 20-yillarida maktabni rivojlantirishda juda
jiddiy xatolarga yo’l qo’yildi. Keyinchalik, 1931-yil 5-sentabrda qabul qilingan
“Boshlang’ich va o’rta maktab haqida”gi , 1932-yil 25-avgustda qabul qilingan
“Boshlang’ich va o’rta maktab o’quv dasturlari rejimi haqida”gi qarorlar
yuqoridagi kabi yo’l qo’yilgan xato va kamchiliklarni bartaraf qilishda va o’quv
mashg’ulotlari tizimini ishlab chiqishda maktabga va o’qituvchilarga yordam
berdi. Tezlik bilan savod o’rgatishda analitik-sintetik tovush metodi qayta tiklandi.
Grammatik, orfografik materiallarni izchil o’rgatishga, o’quvchilarning har
tomonlama savodli bo’lib, madaniy nutqni egallashlariga katta ahamiyat berila
boshlandi. O’quvchilar va o’qituvchilarning o’quv mehnatini tashkil etishning
asosiy shakli bo’lgan dars metodikasi muvaffaqiyatli ishlana boshlandi.
Mamlakatimiz mustaqillikka erishgach, ta’lim sohasida ham katta islohotlar
amalga oshirildi. Mustqillikning dastlabki yillaridanoq ona tili o’qitishga katta
ahamiyat berila boshlandi. Bunda 1989-yil 21-oktabrda “O’zbektiliga Davlat tili
maqomini berish haqida”gi qaror alohida o’rin tutadi. Ta’lim tashkilotlarida
o’qitish tilidan foydalanish tartibi “ Davlat tili haqida”gi O’zbekiston Respublikasi
Qonuni bilan tartibga solinadi . ( 33 – modda “Ta’lim berish tili ” )
1
1
“ Ta’lim to’g’risiga”gi qonun 4-bob Ta’lim faoliyatini tashkil etish va uning nazoratini amalgam oshirish 33-
modda 2020 - 19-bet .
Jumladan, “Ta’lim to’g’risida”gi Qonun, “Kadrlar tayyorlash milliy dasturi”
qabul qilindi, “Davlat tili to’g’risida”gi Qonun qaytadan ko’rib chiqildi, Davlat
ta’lim standartlari ishlab chiqildi, ona tili dastulari va darsliklari yangilandi.
“ Ta’lim to’g’risida”gi qonunda ta’lim sohasidagi davlat siyosatining asosiy
printsiplari quyidagilardan iborat:
-
ta’lim ustuvorligining tan olinishi ;
-
ta’lim olish shaklini tanlash erkinligi ;
-
ta’lim sohasida kamsitishlarga yo’l qo’yilmasligi ;
-
ta’lim olishga doir teng imkoniyatlarni ta’minlanishi ;
-
ta’lim va tarbiyaning insonparvarlik , demokratik xususiyati ;
-
ta’limning uzluksizligi va izchilligi ;
-
o’n bir yillik ta’limning hamda olti yoshdan yetti yoshgacha bo’lgan
bolalarni bir yil davomida umumiy o’rta ta’limga tayyorlashning
majburiyligi ;
-
davlat ta’li standartlari va davlat ta’lim talablari doirasida ta’lim
olishning hamma uchun ochiqligi ;
-
o’quv dasturlarini tanlashga doir yondashuvning yagonaligi va
tabaqalashtirilganligi ;
-
insonning butun hayoti davomida ta’lim olishi ;
-
jamiyatda pedogoglarning ijtimoiy himoya qilishning kafolatlanganligi ;
-
ta’lim tizimining dunyoviy xususiyatga egaligi ;
-
bilimlilik , qobiliyatlilik va iste’dodning rag’batlantirilishi ;
-
ta’lim tizimida davlat va jamoat boshqaruvining uyg’unligi ;
-
ta’lim faoliyati sohasidagi ochiqlik va shaffoflik . ( 4- modda )
2
O’zbekiston Respublikasi Vazirlar Mahkamasining 1998-yil 13-maydagi
“O”zbekiston Respublikasida umumiy o’rta ta’limni tashkil etish to’g’risida”gi
203-sonli qarorida umumiy o’rta ta’lim ikki bosqichdan iborat qilib belgilandi:
1.
Boshlang’ich ta’lim
2.
Umumiy o’rta ta’lim.
2
O’zbekiston Respublikasi “Ta’lim to’g’risida”gi qonuni // I-bob Umumiy qoidalar // - Toshkent 2020- 4-bet.
Respublikada umumiy o’rta ta’limning standarti yaratildi.Unda boshlang’ich
bosqich va umumiy o’rta ta’lim nihoyasida o’quvchilar egallashi lozim bo’lgan
bilim, ko’nikma va malakalarning minimal darajasi belgilab berildi. Jumladan, 1-4
sinflarda o’quvchilar ona tili va o’qish predmetlaridan o’qish texnikasi, matn
mazmunini va o’zgalar fikrini anglash malakasi, fikrini yozma shaklda bayon etish
malakasi bo’yicha bilim, ko’nikma va malakalarning minimal darajasi belgilab
berildi. Bu o’rinda ona tiliga katta vazifa yuklatildi: ona tili ta’limiga o’quv fani
sifatidagina emas, balki butun ta’lim tizimini uyushtiruvchi ta’lim jarayoni sifatida
qaraldi. Ona tili bo’yicha minimal talablar uch parametrli standart o’lchovi orqali
aks ettirildi: o’qish texnikasi, o’zgalar fikrini va matn mazmunini anglash, fikrini
yozma shaklda bayon etish malakasi. Bu talablarni amalda bajarish ta’lim
jarayoniga yangicha o’qitish texnologiyalarini tatbiq etishni taqozo qiladi.
Hozirda o’quvchilarga bilim berish, bilimlarini oshirishda mustaqil ishlarni
uyushtirish, bilimlarni hisobga olish kabi metodik tavsiyalar tizimi ishlab
chiqilmoqda, texnik vositalardan unumli foydalanish, grammatik ta’limiy
o’yinlarni joriy etish keng tus olmoqda, ta’lim jarayonida test topshiriqlaridan, turli
boshqotirma va jadvallardan keng foydalangan holda mashg’ulotlar
uyushtirilmoqda. Yuqoridagilardan ko’rinib turibdiki, ona tili o’quv fani sifatida
shakllanib, rivojlanishning murakkab yo’lini bosib o’tmoqda.
Til fikrni shakllantirish va bayon etish, taassurot, his-kechinmalarni
ifodalashda muhim o’rin tutadi. Til jamiyat a’zolarining bir-biri bilan o’zaro
aloqasi uchun xizmat qiladigan vositadir. Tilning aloqa vositasi sifatidagi
ahamiyati uzluksiz ortib boradi. Til borliqni oqilona, mantiqiy bilish vositasidir.
Til birliklari yordamidagina bilish jarayonida umumlashtirish, tushunchani
muhokama va xulosa bilan bog’lash amalga oshadi.
Til va nutq tafakkur bilan uzviy bog’lanadi. Tilni egallash va nutq o’stirish
bilan o’quvchining fikrlash qobiliyati ham o’sib boradi. Maktabning vazifasi tilni
kishilar orasidagi munosabatning rivojlangan nozik quroliga aylantirish
hisoblanadi. Demak, kishilarning o’zaro munosabati, his-tuyg’ulari, kechinma va
holatlari til vositasida aniqlashadi. Maktabda ona tilini chuqur o’rganish zarurati
tilning bajaradigan asosiy vazifalaridan kelib chiqadi.
K. D. Ushinskiy boshlang’ich maktab o’quv predmatlari tizimida ona tiliga
katta ahamiyat berib, uni markaziy va yetakchi predmet hisoblagan.
“Ajoyib o’qituvchi bo’lgan ona tili bolaga ko’p narsani o’rgatadi...
Bola ikki-uch yil ichida shuncha ko’p narsa o’rganadiki, ko’p narsa bilib oladiki,
yigirma yil qunt bilan metodik jihatdan juda to’g’ri o’qiganda ham uning yarmicha
o’rgana olmaydi. Ona tilining ulug’ pedogogligi ham ana shundadir”
3
, _ deydi u.
Shuning uchun ham boshlang’ich sinflarda ona tilini o’rganishga katta
ahamiyat beriladi. Boshlang’ich sinf o’quvchilari ona tili darslarida ongli o’qish va
savodli yozishga o’rganadilar, og’zaki va yozma nutqning qonun-qoidalarini
egallaydilar. Ona tili sohasidagi ko’nikma-malakalar ( nutq, o’qish va yozishga oid
malakalar) o’quvchilarning o’quv mehnatining zaruriy sharti va vositasidir.
O’quvchi o’qish ko’nikmalarini egallash bilan bir qatorda, birinchi navbatda,
o’zining ona tilini o’rganishi zarur, chunki ona tili bilimdonlikning, aql-idrokning
kalitidir.
Ona tili boshqa fanlarni o’qitish vositasi hamdir: jamiyat tarixi ham, tabiiy
fanlar ham ona tili yordamida o’rganiladi. Demak, ona tili bolaning umumiy kamol
topishida ham, bilim va mehnatga havasini uyg’otishda ham alohida o’rin tutadi.
Ona tili boshlang’ich sinflarda asosiy o’rinni egallar ekan, har bir o’quvchida
ona tiliga qiziqish va muhabbatni tarbiyalab borish zarur. Boshlang’ich sinflarda
ona tili mashg’ulotlari turi va mazmuni quyidagilarni o’z ichiga oladi:
1.
O’qish, yozuv, grammatik materialni o’rganish, kuzatishlar hamda
o’quvchilarning ijtimoiy faoliyatlari bilan bog’liq holda, ularning og’zaki va
yozma nutqini o’stirish.
2.
Birinchi sinfga kelgan bolalarga savod o’rgatish, ya’ni ularni elementar
o’qishga va yozishga o’rgatish, bu ko’nikmalarni malakaga aylantirish.
3
Ushinskiy K. D. Tanlangan pedagogik asarlar , - Toshkent:”O’zdavnashr”, 1959 – 49 – bet.
3.
Adabiy til me’yorlarini, ya’ni imloviy va tinish belgilariga rioya qilingan
savodli yozuvni, to’g’ri talaffuzni o’rganish, nutq va ulubiy elementlarni
egallash.
4.
Grammatika, fonetika, leksikologiyadan nazariy materiallarni o’rganish,
tildan ilmiy tushunchalarini shakllantirish.
5.
O’quvchilarni o’qish va grammatika darslari orqali badiiy, ilmiy-ommabop
va boshqa adabiyotlar namunasi bilan tanishtirish, ularda badiiy asarni idrok
etish ko’nikmasini hosil qilish.
Bu vazifalarning hammasini boshlang’ich sinflarda ona tili predmeti hal etadi va
ular ona tili dasturida aks etadi. Dastur davlat hujjati bo’lib, unda o’quv
predmetining mazmuni va hajmi, shuningdek, shu predmetdan bilim, ko’nikma va
malakalar darajasiga qo’yilgan asosiy talablar belgilangan bo’ladi.
O’qituvchi va o’quvchilar dastur talablari asosida ish olib boradilar.
Boshlang’ich sinflarning ona tili dasturi ikki qismdan iborat:
Do'stlaringiz bilan baham: |