Тўрақўрғон туман Гулистон маҳалла фуқаролар йиғинида отм-мактаб-Маҳалла-Оила ҳамкорлигини ривожлантириш мақсадида ўтказилган “Ёшларни илм-маърифатга йўналтириш – бош мақсадимиз” мавзусидаги давра суҳбати

Тўрақўрғон туман Гулистон маҳалла фуқаролар йиғинида

ОТМ-Мактаб-Маҳалла-Оила ҳамкорлигини ривожлантириш мақсадида ўтказилган “Ёшларни илм-маърифатга йўналтириш – бош мақсадимиз” мавзусидаги давра суҳбати


баённомаси


Гулистон МФЙ 12 май 2019 йил


Йиғилиш раиси: Каримов Абдуманноб
Йиғилиш котибаси: Холматова Зулфия
Қатнашдилар: Наманган давлат университети профессор-ўқитувчилари: математика кафедраси доценти, PhD. Р.Ҳакимов, математика кафедраси доценти, ф.-м.ф.н. Н.Хатамов, катта ўқитувчи И.Жўраев ва Ў. Хакимов
маҳалла Кенгаши аъзолари, маҳалла фаоллари. (жамида: 40 киши).
К у н т а р т и б и :

1. 
   маҳаллаларда ёшларни илм-маърифатга йўналтиришда эътибор қаратилиши лозим бўлган масалалар.
   
2. 
   ОТМ-Мактаб-Маҳалла-Оила ҳамкорлигида амалга оширилиши лозим бўлган ишлар.
   
3. 
   Наманган давлат университетида ёшларнинг илм олишлари учун яратилган имкониятлар ҳақида.
   

Э Ш И Т И Л Д И :
2019 йил 12 январь куни Тўрақўрғон туман Гулистон маҳалла фуқаролар йиғини мажлислар залида Наманган давлат университети профессор-ўқитувчилари иштирокида маҳалла Кенгашининг кенгайтирилган йиғилиши бўлиб ўтди. Йиғилишни маҳалла фуқаролари йиғини раиси А. Каримов очиб берди. У ўз сўзи аввалида йиғилганларни кириб келган янги 2019 йил ҳамда яқинлашиб келаётган “14 январь Ватан ҳимоячилари куни” билан табриклади. Сўнгра биринчи масала юзасидан сўзни НамДУ математика кафедраси доценти, PhD. Р.Ҳакимовга берди.
Биринчи масала юзасидан Р.Ҳакимов ўз нутқида маҳалладаги ёшларни илм-маърифатга йўналтиришда эътибор қаратилиши лозим бўлган масалалар ҳақида тўхталди.
Жумладан, маҳалла ёшларининг бўш вақтларини мазмунли ўтказиш чора-тадбирларини кўриш, маҳалла ёшларининг мактабдан бўш вақтларида турли спорт ҳамда фан тўгаракларида жалб қилиш, айниқса маҳалла ёшларини бугунги кундаги долзарб аҳамият касб этган чет тилларини ҳамда ахборот технологияларини ўрганиши лозимлигини, ушбу ишларни амалга оширишда эса маҳалла фаоллари ва ота-оналарнинг роли катта аҳамият касб этишини таъкидлади.
Иккинчи масала юзасидан сўзга НамДУ математика кафедраси доценти, ф.-м.ф.н. Н.Хатамов чиқди. Н.Хатамов ўз сўзида ОТМ-Мактаб-Маҳалла-Оила ҳамкорлигида амалга оширилиши лозим бўлган ишлар ҳақида
атрофлича тўхталиб ўтди. Бунда мазкур ҳамкорлик доирасида Намаган давлат университети профессор-ўқитувчилари Гулистон маҳалла фуқаролар йиғини ҳудудидаги 15-сон умумий ўрта таълим мактабида “Мастер класс” дарслари ўтказишлари, шунингдек, маҳалла ёшлари ўртасида касбга йўналтириш ишлари олиб боришларини таъкидлади. Шунингдек, Н.Хатамов мазкур ишларни амалга ошириш жараёнида маҳалла фаоллари ва ота-оналарни ўзаро ҳамкорлик қилишга чақирди.
У чинчи масала юзасидан сўзга НамДУ математика кафедраси ўқитувчиси Ў. Хакимов чиқди. Ў. Хакимов ўз сўзида йиғилганларга бугунги кунда мамлакатимизда илм-фан соҳасида амалга оширилаётган ислоҳотлар, ёшларининг илм олишлари учун яратилаётган кенг имкониятлар ҳақида гапирди. Хусусан, Наманган давлат университетида ёшларнинг илм олишлари учун яратилган қулайлик ва имкониятлар ҳақида маълумотлар берди. Жумладан, Наманган давлат университетида бугунги кунда фаолият кўрсатаётган, Республикамизнинг етакчи профессор-олимлари раҳбарлигида олиб борилаётган фан тўгараклари, республика ва Халқаро миқёсдаги спорт усталари мураббийлигидаги спорт сексиялари ҳақида маълумот берди. Шунингдек, Ў. Хакимов махалла ёшларини Наманган давлат университетига экскурсия уюштиришга таклиф этди. Йиғилиш қатнашчилари ушбу таклифни бир овоздан қўллаб қувватладилар. Гулистон МФЙ ҳудудидаги 15-сон умумий ўрта таълим мактаби битирувчи синф ўқувчиларини касбга йўналтириш ишлари бўйича Наманган давлат университетига экскурсия уюштиришлари ҳақида келишиб олишди.