Túsindiriw xatı

Oqıwshılar oqıw xizmeti nátiyjelerine qoyılatuǵın talaplar:
Ulıwma rawajlandırıwshı shınıǵıwlardı izbe -izlikte orınlaw;
Buyımlarsız gimnastik shınıǵıwlardı orınlaw;
Gimnastika úskenesinde shınıǵıwlar orınlay aladı;
Gimnastika nárwanda shınıǵıwlar orınlay aladı;
Gimnastika túrine tiyisli mebel hám anjamlar(arqan,gimnastik tayaqlar)atların biledi.
Jeńil atletikanıń júriw, júgiriw sekiriw shınıǵıwların orınlaydı;
Háreketli oyın atların bir-birinen ajıratadı;
Háreketli oyınlardıbelgilengen qaǵıydalar tiykarında oynaydı;
Shashka doskası hóm danalarınan paydalana aladı.

Teoriyalıq bilim tiykarları
Shınıǵıwlar ótiw ornı (sport zalı hám maydanshalar) hámde onda paydalanatuǵın sport anjamlarınıń atlarıhám olardı qollaw haqqında túsinik. Shaxsiy gigiena hám kún tártibine boysınıw. Suw járdeminde shınıǵıwlar.Sport kiyimlerine qoyilatuǵın gigienik talaplar. Sport zalında turıw hám júriw qaǵıydaları. Sap shınıǵıwları hám saplanıw hám buyrıqlar haqqındatúsinik. Oqıwshılardıń jeńil atletika sport maydanshasında ózin tutıw qaǵıydaları hámde júriw, júgiriw,sekiriw hám ılaqtırıw túrleri haqqında túsinik. Háreketli oyin túrlerihám olardıń qaǵıydaları.

I bap GIMNASTIKA (8 saat)
Sap shınıǵıwları. Saplanıw náwbetshi oqıwshıdanbildirgini qabıl qılıw,( oqıtıwshı oqıwshılar menen sálemlesiw) sap usılları tiykarınan tik turıw,bir qatarǵa bir sızıq bolıp sapqa turıw, qol uslasıp dóńgelek payda qılıw;sapta júriw hóm toqtaw shınıǵıwların orınlaw. Sap buyrıqların orınlaw; “Klass saplan!”, “Klass sekirip ońǵa!” , “Klass tegislen!” “Klass ońǵa!”, “Klass shepke!”, “Klass arqaǵa!”, “Klass sekirip arqaǵa!”,”Klass sekirip shepke!”, “Klass qádem bas!”, “Klass toqta!”.
Uliwma rawajlandırıwshı shınıǵıwlar. Buyımlarsız (tiykarınan berilgen shınıǵıwlar qáwmetti tuwrı rawajlandırıw, qollardı hár tárepke kóteriw , gewdeni aldıǵa, artqa, jáne iyiw, ayaqlarda otırıp turıw, ayaq2 ushında sekiriw), buyımnlar menen (gimnastika tayaqshası, bayraqsha, kishi toplar menen shiniǵıwlar,) shınıǵıwlar orınlaw.
Órmelep shıǵıw.Gimnastik narwanǵa qıya qoyılǵan gimnastik orınlıq óstine jatqan halda órmelep shıǵadı(oqıtıwshı járdeminde) hám tómenge túsiw ; asılıp turıp, dizelerdi búgip kókirek qápesine shekem kóteriw
Tayanıwlar. Gimnastik orınliq ústinde qollarǵa tayanǵan halda araqǵa hám aldıǵa tayanǵan halda gewdenialdıǵa iyip, gimnastika orınlıǵına qollardı búgiw hám jazıw.
Akrobatika. Eńkeyip otırǵan halda artqa hám aldıǵa terbeniw shınıǵiwları, eki ayaq ushın qol menen uslap terbeniw, eki qoldı matqa qoyıp otırǵan halda aldıǵa jomalaw