Turizmni rivojlantirish bòyicha takliflar

Turizmni rivojlantirish bòyicha takliflar:

Turizm bòyicha mutaxasis emasman. Bu sohada tajribam ham yòq hisobi. Ammo men Vatanimni sevaman . Buxoro , Samarqand, Xiva singari dunyoga mashhur shaharlarimiz borligidan ģururlanaman. Òzimni shu yurtning bir bòlagi deb bilaman . Xorijdan kelgan bir guruh sayyohlarga kòrsatilayotgan xizmatlarni eshitganlarim va anglaganlarim asosida quyidagi taklaiflarni bildirmoqchiman.

Yurtimiz ravnaqi yòlida amalaga oshirilayotgan barcha islohotlar negizida Vatan , xalq manfaati turadi albatta.

Mening takliflarim quyidagicha:

1. Sayyohlarning milliy va diniy mansubligini an'anlarini , turmush tarzini hisobga olishimiz , ular uchun mahsus oshxonalar tashkil qilishimiz zarur ekan. Mamalakatimizga kelayotgan sayyohlar orasida vegetarianlar kòpchilikni tashkil etadi. Biz faqatgina gòshtli taomlarni emas balkim vegetarianlarga xos taomlarni ham tayyorlashimiz kerak;

2. Yurtimiz an' analari va urf- odatlarimiz, milliy qadriyat va boy tarixiy merosimiz haqida hujjatli va badiiy filmlar konkursi e'lon qilinsa , va eng saralarini raģbatlantirib, ular yaratgan filmlarni ingliz, nemis va boshqa tillarga dublyaj qildirib, xalqaro konkurslarda qatnashtirib sayyohlar sonini oshirish kerak;

3. Sifatli yengil tamaddixonlarni kòpaytirishimiz va turistlar gavjum bòladigan joylarda kichik tamaddixonlar shaxobchalarini ochishimiz kerak;

4. Mehmonxonalarning servis darajasini " yulduzlar" iga moslashtirish kerak. Turistlar mehmonxona xizmatidan foydalanar ekan, bu borada eng kichik detallargacha e'tibor qaratadi albatta buni ham inobatga olish kerak;

5. Turistlarni kutib olish va kuzatib qòyish madaniyati yetarli darajada shakllanmagan . Kuzatuvlardan ma'lum bòldiki, tarixiy obektlarda bevosita faoliyat olib borayotgan xodimlar hamda qòriqlash xizmati vakillarining chet tilini bilmasligi , turistlarga xushmuomala munosabatda bòlmasligi, yuz - kòzida yasama bòlsa ham tabassum kòrinmasligi turizmga halala berishi turgan gap. Bunga ham jiddiy e'tibor qaratish lozim.

6. Ziyorat joylari, mehmonxonalar, dam olish maskanlaridagi setvis xizmatlarini potensial mehmonxonalar dini , mentaliteti va turmush tarziga moslashtirish kerak;

7. Tarixiy obidalarga olib boruvchi yòllarni sozlash lozim;

8. Tarixiy obidalarda ishlayotgan gidlarning aksari faqat òzbek tilida sòzlashuvchilardan iborat, bu ichki turizm uchun asqotadi albatta. Ammo xorijliklar uchun tarjimon òz yòliga , shu memoriy obida tarixi, arxitekturasi va boshqa masalalar bòyicha ma'lumot bera oluvchi chet tilni biladigan gidlar kerak;

9. Ziyoratgohlarga tashrif buyuradiganlar uchun " audio gid " lar tashkil qilish kerak. Mazkur gidlar dunyoning bir necha tillarida turistlar uchun obidalar haqida sòzlab tursa, kòrinayotgan meros ostida yana qanday tarix borligini kòrastib berilgan bòlinardi;

10. Ziyorat obida bilan gòzaldir. Samarqand , Buxoro, Toshkent shaharlaridagi muqaddas qadamjolar va yodgorliklarni ziyorat qilisha dasturini rivojlantirish va jadallashtirish zarur. Ichki turizm sohasidagi katta imkoniyatlarni ham tòliq ishga solish lozim;



Òzbekistonni turistik davlat sifatida yurtimizda faoliyat kòrsatayotgan soha mutahasislari bilan hamjihatlikda Òzbekiston tòģrisoda bitta ixcham " sayyohlar uchun qòllanma " tayyorlanib uni , barcha tillarga tarjima qilib arzon narxda yoki agarda imkoni bòlsa bepul sayyohlik firmalariga tarqatish lozimdir.

Òzbekiston haqidagi qiziqarli ma'lumotlar bilan fotoalbomlar yaratish va ularni turizm sohasi mutahasislari bilan hamkorlikda nashrga tayyorlab va ularni ham chet tillarida chop etish zarurdir.

Òzbekiston katta tarixiy-madaniy merosga 7300 dan ortiq qadimiy- me'moriy va arxeologik obidalarga ega . Ularning kòpchiligi Samarqand, Buxoro, Xiva , Shaxrisabz, Termiz, Qòqon va Toshkent shaharlarida joylashgan. Yurtimizdagi 200 dan ziyod tarixiy yodgorlik va obidalar YUNESKO ning madaniy merosi ròyhatiga kiritilgan . Nahotki shuncha tarixiy va boy madaniy meroslarimiz bòla turib ularni dunyoga tanita olmasak? Albatta buning uchun biz yoshlar harakat qilishimiz lozimdir. Bu sohani xòjakòrsinga emas balki, chin ma'noda rivojlantirmoqchi bòlsak albatt shunday gòyalarni ishlab chiqib òz harakatlarimiz orqali shu yurtning jonkuyar farzandlaridan biri ekanligimizni isbotlashimiz kerak!

Xajiyeva Charos

E'tiboringiz uchun rahmat !!!