«turon-iqbol»

Ilk qadam
YANGI YIL
Yangi yil, yangi kun, yangi daqiqa,
Soat o‘n ikkiga urganida bong.
Ochilar har dilda yangi sahifa,
Zulmatli tunlarning otmoqda tongi.
Oppoq bo‘lib yog‘ar zarrin-mayin qor,
Yam-yashil archaning egib shoxlarin,
Yashaydi har inson sendan umidvor,
Bevaqt xazon etma ko‘ngil bog‘larin.
Yangi yil sen yangi yo‘ldosh har kimga,
Orzumand qalblarga quvonch olib kel.
Behisob shukr-ki yetdik biz senga,
Zulmatli qalblarga ziyo sochib kel.
EZGULIK
Iqrorlik, Allohdan barchasi bekor,
Hayot qadrin tuymoq shunchalar og‘ir.
Diydoringga bo‘ldim intiq, intizor,
Har qadam xatardir, har nafasim sir.
O‘zicha dahodek har bir odamzod,
Dunyo ichra dunyo qo‘yar yaratib.
Kim bilar ertani, bari bu sinov,
Yaxshini yomonga qo‘ymas qaratib.
O‘tar lek ko‘z ochib o‘tgulik umr,
Kimda savob, kimda bisyor xatolar.
Do‘stim qalbing ozor bilmasin zarra,
Alloh yomonlarni o‘zi jazolar.

---

30