Umumtaʼlim muassasalari faoliyatida avtomatlashtirilgan axborot tizimining ishlash tartibi haqidagi nizom

3-bob. Elektron jurnal foydalanuvchilarining majburiyatlari:

14. Tizimga kirish huquqiga ega boʻlgan foydalanuvchilarga quyidagi majburiyatlar yuklatiladi:

Tizimga yuklangan va kiritilgan maʼlumotlarning haqqoniyligi va dolzarbligini taʼminlash;

Oʻzbekiston Respublikasining “Shaxsiy maʼlumotlar toʻgʻrisida” 2019-yil

2-iyuldagi OʻRQ-547-sonli Qonuni talablariga rioya etilishi;

Tizimga joylashtirilgan axborotlarga nisbatan maxfiylikka rioya qilish bilan birgalikda unga cheklangan foydalanuvchilarni belgilash;

Tizimning foydalanuvchilari shaxsiy loginlari va parollarini oshkor qilmaslik va sir saqlash foydalanuvchilarning oʻzi tomonidan taʼminlanadi;

Tizimning shakllanishi va amaliyot jarayonida foydalanuvchilarga, zaruriyat tugʻilganda, qoʻshimcha majburiyatlar belgilanishi mumkin.