Umumtaʼlim muassasalari faoliyatida avtomatlashtirilgan axborot tizimining ishlash tartibi haqidagi nizom

5-bob. Yakuniy qoidalar

19. Tizim foydalanuvchilari davlat umumtaʼlim muassasalarida taʼlim jarayoniga tegishli barcha axborotlarning oʻz vaqtida, haqqoniy, toʻliq va sifatli kiritilishi, shuningdek, mazkur Tizimning axborot xavfsizligi choralarini taʼminlash uchun javobgar hisoblanadilar.

20. Hududiy boʻlinmalar rahbarlari Tizimga axborotlarni haqqoniy, toʻliq va sifatli kiritishi uchun shaxsan javobgar hisoblanadilar.

21. Vazirlikning Axborot-kommunikatsiya texnologiyalarini joriy etish va muvofiqlashtirish boʻlimi boshligʻi Tizimning joriy etilishini muvofiqlashtirish va monitoringi uchun shahsan javobgar hisoblanadi.

22. Oʻzbekiston Respublikasida faoliyat olib borayotgan nodavlat umumtaʼlim muassasalari tomonidan taʼlim jarayonida Tizimdan foydalanish Vazirlik bilan kelishilgan holda amalga oshiriladi.

23. Mazkur Nizom talablarini buzganlikda aybdor boʻlgan shaxslar qonunga muvofiq javobgar boʻladilar.

Umumtaʼlim muassasalarining faoliyatida avtomatlashtirilgan axborot tizimining ishlash tartibi haqida nizomga ILOVA