Urganch Davlat Universiteti fizika-matematika fanlar fakulteti “Matematika” ta’lim yoʻnalishi 2-bosqich talabasi Ismailov Islombek Ilhombek o‘g‘liga tavsiyanoma

Urganch Davlat Universiteti fizika-matematika fanlar fakulteti “Matematika” ta’lim yoʻnalishi 2-bosqich talabasi Ismailov Islombek Ilhombek o‘g‘liga


TAVSIYANOMA

Mamlakatimizda istiqlolning dastlabki kunlaridanoq yosh avlod tarbiyasiga alohida e’tibor berilib, bu masala davlat siyosati darajasiga ko’tarildi. Hech kimga sir emaski, bugungi kunda faqat yuksak bilimli, zamonaviy fikrlaydigan va intellektual salohiyatga ega yoshlargina mamlakatning buyuk kelajagini ta’minlab berishi mumkin. Ana shunday yoshlarimizdan biri Urganch Davlat universiteti fizika-matematika fakulteti 2-bosqich talabasi Ismailov Islombek Ilhombek o‘g‘li hisoblanadi.

Ismailov Islombek Ilhombek o‘g‘li 2019-yildan buyon fizika-matematika fakultetining 5130100-ta’lim yoʻnalishida tahsil olib kelmoqda. Oʻqish davri mobaynida oʻzining izlanuvchanlik, qobilyatlilik, bilimga chanqoqlik, liderlik kabi xususiyatlarini namoyon qilmoqda. Shuningdek, u universitet iqtidorli talabalari sifatida fanlarni a’lo baholarga oʻzlashtirib fakultetimizda oʻtkaziladigan ma’naviy-ma’rifiy tadbirlarda, jamoat ishlarida faol ishtirok etib kelmoqda.
Ismailov Islombek Ilhombek o‘g‘li Urganch Davlat Universiteti fizika-matematika fakultetida tashkil etilgan “Matematika” toʻgaragining faol talabalaridan biridir. Qiziqarli olimpiada misollarini yechishdagi koʻnikmalarini rivojlatirib toʻgarak a’zolari bilan ulashadi. Respublika va Xalqaro olimpiadalarda qatnashadi. 2021-yil 18-aprel kuni Sankt-Peterburg Milliy Informatsion Texnologiyalar, Mexanika va Optika tadqiqot Universiteti (ITMO) tomonidan oʻtkazilgan VII- Shimoliy mamlakatlar universitetlari oʻrtasidagi Matematika fanidan onlayn olimpiadasida qatnashib III-darajali diplom va 5-8 may kunlarida Turkmaniston respublikasida o‘tkazilgan universitet talabalari uchun ochiq matematika xalqaro onlayn olimpiadasida qatnashib III-darajali diplom sohibi boʻldi.
U hozirgi kunlarda ijtimoiy sohada ham faolligini koʻrsatib kelmoqda. Zamon bilan hamnafas yurib hozirgi kunda rus va ingliz tillaridan qoʻshimcha dars mashg’ulotlarini olib bormoqda. Ismailov Islombek Ilhombek o‘g‘li erishgan yutuqlari hamda samarali ilmiy faoliyatini hisobga olib Akademik T.A. Sarimsoqov nomidagi stipendiya tanlovida ishtirok etishga tavsiya qilaman.
Fizika-matematika fakulteti dekani: dots. J. Xujamov