Қурилиш баҳосини шартномавий жорий нархларда аниқлаш

иқтисодий ислоҳотлар ва
нархларни шакллантириш Маркази:
Интернетдаги сайт web: www.stroyinfo.uz
электрон почтаси e-mail: [e-mail]

Ўзбекистон Республикаси Давлат архитектура ва қурилиш Қўмитаси (Давархитектқурилиш)	Шаҳарсозлик нормалари ва қоидалари	ШНҚ 4.01.16 -09
	«Қурилиш баҳосини шартномавий жорий нархларда аниқлаш қоидалари»	ШНҚ 4.01.16-04 ўрнига

1 боб. УМУМИЙ ҲОЛАТЛАР 1.1. Мазкур шаҳарсозлик нормалари ва қоидалари молиялаштиришнинг марказлаштирилган ва шу каби манбалари ҳисобига амалга оширилаётган янгидан қурилаётган, кенгайтирилаётган, реконструкция қилинаётган ва қайта техник жиҳозланаётган корхоналарни, бино ва иншоотларнинг капитал таъмири ва капитал реконструкцияси (келгусида - “қурилиш”), шунингдек бино ва иншоотларнинг жорий таъмирланишида қурилиш баҳосини шартномавий жорий нархларда аниқлаш бўйича асосий қоидаларни белгилаб беради. 1.2. Ушбу шаҳарсозлик нормалари ва қоидалари мулкчилик ва хўжалик юритиш шаклидан қатъий назар буюртмачилар (инвесторлар), пудратчи ташкилотлар, шунингдек инвестицион жараённинг бошқа қатнашчилари томонидан қурилиш объектининг баҳосини жорий нархларда аниқлашлари учун фойдаланишга мўлжалланган.

1.3. ШНҚ нинг ушбу бобида келтирилган қурилиш баҳосини аниқлаш қоидалари қурилиш қайси - пудрат ёки хўжалик – усулда амалга оширилаётганига боғлиқ эмас.