|
Ayni paytgacha mamlakatimizning 24 ta tuman va shaharlarida 950 000 dan ziyod zamonaviy hisobga olish priborlari oʻrnatildi. Yil yakuniga qadar 2,5 mln dan ortiq elektr hisoblagichlar oʻrnatilishi rejalashtirilgan boʻlsa, 2020 yil yakuniga borib 7 mln dan ortiq iste’molchilarning barchasi ushbu tizimga toʻliq ulanishi ta’minlanadi.
O‘rnatilayotgan yangi elektr hisoblagichlar bir qator imkoniyatlarga ega
Ma’lumki, Prezidentimizning 2018-yil 23-oktabrda “Elektr energetikasi tarmog‘ini jadal rivojlantirish va moliyaviy barqarorligini ta’minlash chora-tadbirlari to‘g‘risida”gi qaroriga asosan, “Hududiy elektr tarmoqlari” AJ tomonidan 2021-yil yakunigacha 7 milliondan ortiq iste’molchilarning barchasi elektr energiyasini hisobga olish va nazorat qilishning avtomatlashtirilgan tizimiga ulanishi belgilab berilgan.
Ayni paytgacha mamlakatimizning 22 ta tuman va shaharlarida 720 000 dan ziyod zamonaviy elektr hisoblagichlar o‘rnatildi. Yil yakuniga qadar 1,5 milliondan ortiq elektr hisoblagichlar o‘rnatilishi rejalashtirilgan bo‘lsa, 2021-yil yakuniga borib 7 milliondan ortiq iste’molchilarning barchasi ushbu tizimga to‘liq ulanishi ta’minlanadi.
Quvonarlisi, zamonaviy hisoblagichlarning asosiy qismi mahalliy ishlab chiqaruvchilar “Elektron hisoblagich” MChJ va “Toshelektroapparat” MChJ tomonidan yetkazib berilmoqda. Bu hisoblagichlar avvalgilaridan 20 dan ziyod funksiyalarni bajara olishi bilan farqlanadi.
Birinchidan, istemolchilar elektr ta’minoti korxonasi yoki banklar eshigida uzundan-uzun navbatlarda turishmaydi. Elektr hisoblagichlarning ko‘rsatkichlarini suratga olib, Majburiy ijro byurosi (MIB)da nimanidir isbotlashga majbur bo‘lishmaydi. “Hisoblagichingiz ko‘rsatkichini yozib olay”, deb hech kim bezovta ham qilmaydi.
Ikkinchidan, hisoblagich o‘rnatilgach, tizimga ulanadi, kod kiritilib, hisob raqam ochiladi. Iste’molchilarga SMS xabar orqali barcha ma’lumotlar avtomatik tarzda yetkazib turiladi. Mobil telefon raqamiga ulanishi to‘lovni uydan chiqmay “online” rejimida amalga oshirish imkonini beradi. Eng muhimi, “shaxsiy kabinet” orqali har bir iste’molchi qancha elektr energiyasi sarflaganini kuzatib turish imkoniga ega bo‘ladi.
Uchinchidan, yangi tizimda hisoblagichdagi ma’lumotlarni kompyuter nazorat qiladi. Elektr ta’minoti korxonasi xodimlari uyma-uy yurishga ketadigan vaqtini tarmoqlarning texnik holatini yaxshilashga sarflaydi. Shuningdek, iste’mol qilingan energiya haqidagi ma’lumotlarni yig‘ishda inson omili ta’siri kamayadi.
Ma’lumki, elektr energiyasini omborga joylab, zaxira qilib bo‘lmaydi. Shu bois odatda har bir hudud uchun elektr sarfi taxminiy hisoblanib, “limit” ajratilar edi. Yangi tizimda esa barcha ma’lumotlar aniq ko‘rinib turishi bois ta’minotda cheklov bo‘lmaydi.
Ushbu “Aqlli” hisoblagichlarning yana bir xususiyati shundaki, ma’lumotlarni soxtalashtirishga urinish, ya’ni hisoblagichga ta’sir o‘tkazish holatlari yuzaga kelsa darhol o‘chadi va tizimga xabar jo‘natadi. Shuningdek, energiya to‘lovi to‘lanmagan taqdirda masofadan o‘chish xususiyatiga ham ega. Ushbu hisoblagichlar elektr ta’minoti korxonasi tomonidan 10 yilda bir marotaba qiyoslovdan o‘tkaziladi. Plastikli hisoblagichi borlarning plastik kartasida qolgan pul mablag‘i yangi hisoblagich uchun ochilgan hisob raqamga tushirib beriladi.
Alohida ta’kidlash kerakki, ushbu zamonaviy elektr hisoblagichlar iste’molchilarga “Hududiy elektr tarmoqlari” AJ mablag‘lari evaziga bepul o‘rnatib berilmoqda. Tahlillarga ko‘ra, har bir iste’molchiga o‘rnatilayotgan zamonaviy hisoblagich uchun “Hududiy elektr tarmoqlari” aksiyadorlik jamiyati mablag‘lari hisobidan o‘rtacha 770 000 so‘m sarflanmoqda va bu har bir iste’molchining shuncha mablag‘ iqtisod qilayotganini ko‘rsatadi.
DDS28U bir fazali ko'p funksiyali elektron elektr hisoblagichi maishiy iste'molchilar tomonidan vaqtincha tariflarda energiya sarfini hisobga olish uchun foydalaniladi. Hisoblagich suyuq kristalli ko'rsatkichga ega va faol elektr energiyasini o'lchash funktsiyasini bajaradi.
TEXNIK XUSUSIYATLARI:
Kuchlanish: 220V
Quvvat: 10 (60)
Chastotasi: 50Hz,
Hajmi: 165 x 112 x 71 mm
Og'irligi: 900 gr.
ASOSIY FUNKSIYALAR:
- ko'p tarifli funktsiya
- 4 ta vaqt zonasi
- ma'lumotlarni avtomatik yozib olish funktsiyasi
- elektr energiyasining tarixiy yozuvi
- hodisalarni qayd etish funktsiyasi
- ogohlantirish funktsiyasi
- xotira funktsiyasi
- elektr energiyasini o'g'irlashni oldini olish funktsiyasi
- masofadan boshqarish (infraqizil port/elektr uzatish liniyasi)
XUSUSIYATLARI:
Ishlab chiqarilgan mamlakat: O'zbekiston.
Ulanish turi: To'g'ridan-to'g'ri.
Turi: elektron.
Oqim turi: o'zgaruvchan tok.
Nominal kuchlanish: 220V.
Bosqichlar soni: 1.
Elektr turi: Aktiv-reaktiv.
Tariflar soni: ko'p tarifli.
Kiritilgan: hisoblagich;
Qopqoq; UzGosStandard sertifikati;
Kafolat kartasi; Qo'lda;
Quti.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.05.00 Mahsulot sifati. Standartlashtirish. Sertifikatlashtirish. Metrologiya. Tovarlar markirovkasi. Aksizlar (shuningdek, 09.07.00.00ga qarang)]
[TSZ:
Do'stlaringiz bilan baham: |
