V. A. Kosteckiy MÁmleket hám huqíq tiykarlarí

XALÍQ ARALÍQ QATNASÍQLARDÍŃ HUQÍQÍY TIYKARLARÍ. 
XALÍQ ARALÍQ HUQÍQ DEREKLERI
Xalıq  aralıq  huqıq  subyektleri  arasında  kelisim  arqalı  jaratılǵan  hám 
mámleketler aralıq qatnasıqlardı tártipke salatuǵın normalardan turadı.
Xalıq  aralıq  huqıqta  eki  tiykarǵı  derek:  xalıq  aralıq  shártnama  hám 
xalıq aralıq dástúr ajıratıladı. Biraq xalıq aralıq huqıqtıń bul eki tiykarǵı 
dereginen  tısqarı  xalıq  aralıq  shólkemler,  xalıq  aralıq  konferenciyalar 
hám  májilisler  hújjetleri  boladı.  Bunday  hújjetler  xalıq  aralıq  shólkemler 
hám basqa subyektlerdiń ózleri ushın májbúriy minez-qulšq qaǵšydalaršn 
belgilep berse, xalšq aralšq huqšqtšń qosımsha dereklerine aylanadı.
Xalıq  aralıq  huqıqtıń  tártipke  salıw  predmeti  suveren  hám  bir-
birinen  ǵárezsiz  sebyektlerdiń  qatnasıqları  bolıp  tabıladı.  Mámleket 
ishki  huqıqı  ayrıqsha  mámleket  ishindegi  subyektler  arasındaǵı,  ádette, 
bir  mámlekettiń  aymaǵı  shegarasında  hám  ishki  wákilligi  kólemindegi 
qatnasıqlardı tártipke saladı. Mámleketler, milletler hám xalıqlar, sonday-
aq xalıq aralıq shólkemler xalıq aralıq huqıq subyektlerine kiredi.

---