Важнейшие аспекты расширения малого бизнеса и частного предпринимательства в развитии инновационной деятельности. Патенты для малых и средних предприятий

Патент қандай ҳуқуқларни беради?

• Патент патент эгасига ихтирони ўзга шахслар томонидан тижорат мақсадларида фодаланишларига йўл қўймаслик ҳуқуқини беради.
• Бу ҳуқуқ патентланган ихтиро асосидаги маҳсулот ёки усулни бошқа шахслар томонидан патент эгасининг рухсатисиз ишлаб чиқарилишига, фойдаланилишига, сотишга таклиф этилишига, сотилиши ва олиб кирилишига қаршилик қилишни , ёхуд бундай ҳаракатларни амалга оширишни тўхтатишни ўз ичига олади.

Патент муҳофазаси қандай қилиб олинади?

• Бунинг учун Сиз патентга талабнома тузиб, уни ЎзбекистонРеспубликаси Адлия вазирлиги ҳузуридаги Интеллектуал мулк агентлигига топширишингиз даркор.
• Талабнома:

ариза, ихтиронинг тўлиқ тавсифи, ихтиро

формуласи, чизмалар ва реферат ҳамда

тўлов ҳужжатларидан иборат бўлиши керак.

Ихтирога патент муҳофазасини олиш қанча туради?

• Ихтирога талабнома топшириш – энг кам и/ҳ 1 мин. миқдорида
• Моҳиятан экспертиза –энг кам и/ҳ 3 мин. миқдорида
• Рўйхатга олиш, нашр этиш, патент бериш ва нашр этиш –энг кам и/ҳ 2,2 мин. миқдорида
• Патентни кучда сақлаш – (патентнинг амал қилиш муддатига қараб) энг кам и/ҳ 0,2-0,9 мин. миқдорида

Талабнома экспертизаси қандай босқичлардан иборат?

• Патентга талабнома топшириш;
• Расмий экспертиза;
• Талабномани нашр қилиш;
• Қидирув ва моҳият экспертизаси;
• Патент ҳақидаги маълумотни нашр қилиш ва патент бериш;
• Эътирозлар билдириш (апелляция).

Патент муҳофазасининг муддати қанча?

• Ҳозирги замон халқаро стандарти патент муҳофазасининг муддати сифатида талабнома берилган санадан бошлаб 20 йилга тенг даврни кўзда тутади, бунда патентни кучда сақлаш учун божлар ўз вақтида тўланган бўлиши ва патентни бекор қилиш ҳақида қарор мавжуд бўлмаслиги шарт.