Вариант №1-22 Қурилиш ашёларининг архитектурадаги ўрнини таърифлаб беринг. Безакли -бадиий пардозбоп қопламалар нима? Қурилиш ашёларида стандартлашни асослаб беринг. Безакли пардозбоп полимер композитларни тахлил қилиб беринг

Гидравлик боғловчи моддаларни таърифлаб беринг
Гидравлик боғловчи моддалар ҳавода, ҳам сувда қотиш хусусиятига эгадир. Буларга портланцемент ва унинг турлари, ҳамда гидравлик оҳак киради. Булардан ташқари тошқоллар, куллар, табиий тоғ жинс ва моддалари асосида олинган бир қанча гидравлик боғловчи моддалар ҳам киради.
Бу боғловчи моддалар таркибида кальций силикат, кальций алюминат ва кальций ферритларни борлиги, уларга гидравлик хоссаларни беради.
Темирбетон ва конструкциялар юзасини завод шароитида пардозлашни асослаб беринг
Бетон юзасида олиниши мумкин бўлган фактуралар турлари жуда кўп ва ҳилма хил. Фактуралар ясаш услубига қараб, бир гуруҳ рангли доналар тўпламидан фактура олиниши мумкин. Улар бетон юзасида йирик ёки майда тўлдиргичлар рангларини фактураларда номоён этилиши билан белгиланади. Бу турдаги гранулометрия фактуралар – йирик, ўртача ва майда бўлиши мумкин. Йирик доналарнинг ўлчамлари – 10-20 мм ва ундан баланд. Ўртачаси 5-10 мм ва майдаси 0,15-5 мм бўлади. Йирик тўлдиргичли фактуранинг рельефи баландлиги 8-1,5 мм орасида ўзгариши мумкин. Бу хусусият шағалнинг йириклигига боғлиқ. Уларнинг архитектуравий қимматбаҳолиги шундаки, улардан турли ранг ва рельеф юза олиш мумкин. Ҳар хил йириклигидаги тўлдиргич фактураларни хосил қилишнинг йўллари кўп бўлиб, уларга: қолипга жойланган қоришма юзаси босим остидаги сув билан ювиш, кимёвий ва механик усулда фактуралар хосил қилиш.
Юзани ювиш орқали фактура чиқариш, пластик холатдаги бетон қоришма юзасини 2-2,5 атм. Босими остида берилган сув билан амалга ошириш мумкин.
Ювиш натижасида юзадаги цемент сути кетади ва йирик тўлдиргич юзага бўртиб чиқади. Сўнгра уни нам иссиқ камерада қотирилади.
Кимёвий усулда бетон қоришма юзасидаги цемент тошини устки қатламини кимёвий эритмалар билан бузишга қаратилган. Бунинг учун хлорли кальций эритма билан ювилган 10% ва туз кислотасиниг 3 % эритмаси олинади. Кислотали ишловдан кейин бетон қоришма юзасини сувда яхшилаб ювиш керак чунки, юзаси тозаланмаган бетон юзасидаги кислота эритмаси вақт ўтиши билан тўлдиргичларни цемент тоши билан ёпишиш мустахкамлигини камайтиради.