Vertebrae ning tanasi, boshi va chuqurasi bo‘ladi. Umurtqa tanasi

Atlantning yuqori va pastki yoylari – arcus dorsalis et ventralis bo‘lib, yuqorigi yoyda yuqorigi (dorsal) do‘nglik - tuberculum dorsalis, pastki yoyda esa pastki (ventral) do‘nglik – tuberculum ventralis joylashadi va ularga boshni egilib, ko‘tarilishini ta’minlovchi muskullar birlashadi. Ko‘ndalang o‘simtalari bilan bo‘g‘im o‘simtalari qo‘shilishib atlant qanoti – alae atlantis ni hosil qiladi. Qanot ostida qanot chuqurchasi – fossae alares joylashadi.
Atlant qanotlarida qon tomirlari va nervlar o‘tishi uchun ikki juft teshik bo‘lib, qanot teshiklari – foramen alares qanot chuqurchasiga ochiladi; umurtqalararo teshik – foramen intervertebrales bevosita umurtqa teshigiga
ochiladi. Atlant qanotining oldingi uchida tuxumsimon shakldagi, ensa suyagining bo‘rtiklari bilan birlashish uchun oldingi bo‘g‘im chuqurchasi – fossae articulares craniales bo‘ladi, qanotning orqa uchida esa ikkinchi bo‘yin umurtqasi birlashishi uchun qavariq kaudal bo‘g‘im maydonchasi – facies articulares caudalis chiqadi.
Hayvonlardagi farq qiluvchi xususiyatlari. Qoramolda – qanot chuqurchasi yuza joylashgan; ko‘ndalang oraliq teshigi bo‘lmaydi; qanoti oldingi va keyingi
burchaklar hosil qiladi. Qo‘yda – atlant qanoti to‘rtburchak shaklda bo‘ladi va uning ventral yuzasida chuqurcha va qanot teshigi bo‘ladi. Otda – atlantning keng va yupqa, plastinkasimon qanoti bo‘lib, pastga tomon bukilgan; qanot chuqurchasi chuqurroq joylashgan; atlant qanotida umurtqaaro qanot va yon o‘simtalararo
teshiklar joylashgan. CHo‘chqada – yuqorigi va pastki do‘ngliklari katta bo‘lib, qanotning oldingi teshigi va umurtqalararo teshik yaxshi rivojlangan; yon
o‘simtalararo teshik qanotining orqa burchagida yotadi.