1-Amaliy mashg‘ulot umumiy foydalanish telefon tarmoqlarining tuzilish prinsiplari ishdan maqsad: Telefon aloqasi xaqida umumiy tushunchalar, vazifalari, uftt tuzilish prinsiplarini o‘rganish

TShTT tuzilish prinsipi. Xozirgi paytda Toshkent shahar telefon tarmog‘ida raqamli kommutatsiya tizimlari joriy etilgan. Raqamli kommutatsiya tizimlari joriy etilganga qadar Toshkent shahar telefon tarmog‘i abonent terminallari olti raqam bilan nomerlangan “kirish bog‘lanishli uzelli tarmoq ” strukturasiga ega edi. Toshkent shahar telekommunikatsiya tarmog‘ini rivojlanishi ma’naviy va texnik jixatdan eskirgan analog tizimlarni rekonstruksiyalash va yangi raqamli kommutatsiya tizimlarini qurish orqali amalga oshirilda.

Eng yangi ATS lar orasida yuqori sifatli aloqani tashkil etish uchun optik tolali aloqa liniyasi (aloqa – “xalqa”) negizida qo‘yilma raqamli tarmoq qurilgan. Toshkent shahar telefon tarmoqlarining taxminiy strukturasi 8-rasmda keltirilgan. Asosiy xalqadan tashqari asosiy xalqaga tayanch stansiyalar orqali TShTT sxemasi ulangan bir nechta kichik uzelli xalqalar qurilgan va qurilmoqda.

8-rasm. Toshkent shahar aloqa tizimi taxminiy strukturasi

ShTT ni qurishda ko‘p xollarda ATS dan ancha uzoqda kompakt joylashgan abonentlar guruxini telefonlashtirish kerak bo‘ladi. Abonent liniyalarni qurishga xarajatlarni kamaytirish maqsadida, bunday xollarda abonent izlash bosqichini TATS dan tashqariga “chiqarish” maqsadga muvofiq bo‘ladi.

Stansion qurilmani bunday chiqarish kommutatsiya quyi tizimi (PSK) deytladi. Bunda PSK va tayanch ATS orasida bog‘lovchi liniyalar soni nisbatan kam bo‘ladi.