1-Amaliy mashg‘ulot umumiy foydalanish telefon tarmoqlarining tuzilish prinsiplari ishdan maqsad: Telefon aloqasi xaqida umumiy tushunchalar, vazifalari, uftt tuzilish prinsiplarini o‘rganish

Qishloq telefon tarmoqlarining tuzilish prinsiplari. Qishloq telefon tarmoqlari (QTT) katta territoriyada zichligi kam bo‘lgan axoliga xizmat ko‘rsatishi sababli ularning tuzilishi va abonentlarga xizmat ko‘rsatish xususiyatlari bo‘yicha xarakterlanadi.

Qishloq telefon tarmoqlari odatda radial yoki radial-uzelli usulda tuman markazida joylashgan markaziy stansiyali (MS) bir yoki ikki bosqichli qilib quriladi. Bunda bevosita yoki aylanma yo‘llardan foydalanish mumkin.

MS QTT ning bosh kommutatsion markazi bo‘lib, ayni paytda tuman markazining shahar telefon stansiyasi vazifasini bajaradi. 9 –rasmda qishloq telefon tarmog‘i strukturasi keltirilgan.


9 –rasm. Qishloq telefon tarmog‘i strukturasi
Axoli yashash punktlarida oxirgi stansiyalar (OS) joylashtiriladi va ular bevosita MSga ulanadi (10-rasm).Tarmoqning bunday tuzilish sxemasi bitta bosqichli deb ataladi.

10- rasm. Bitta bosqichli tarmoq strukturasi
Ikki bosqichli tarmoqlar liniya inshoatlaridan yaxshi foydalanish imkonini beradi. Bunda OSlar MSga uzelli stansiyalar (US) orqali ulanadi. US nisbatan katta axoli punktlariga o‘rnatiladi. US tranzit aloqani amalga oshirishi bilan birga, joylashgan punktda telefon stansiyasi vazifasini bajaradi.

QTTda qoplama raqamli tarmoqni yaratish yangi raqamli MS ni o‘rnatishdan boshlanadi. Bunda analog MS uzelli stansiya rangiga, mavjud US lar OS rangiga o‘tkaziladi (11- rasm).

11- rasm. Raqamli stansiyalarni QTTga ulash

Nazorat uchun savollar

1.Umumiy foydalanish telefon aloqa tizimi tuzilish prinsiplari.

2. Umumiy foydalanish telefon aloqa tarmoqlarining vazifalarini ayting.

3. Shaharlararo telefon tarmog‘ining tuzilish prinsiplari.

4. Zona ichi telefon tarmoqlarini qurilish usullari.

5. Shahar telefon tarmoqlarini (ShTT) qurilish prinsiplari.

6. Qishloq telefon tarmoqlarini (QTT) qurilish prinsiplari.

7. Toshkent shahar telefon tarmog‘ining qurilish prinsiplari.