1-мавзу: Шахслараро муносабатларда компетентлик ва маҳоратнинг роли. Мавзунинг асосий масалалар

Иқтибос (цитата), ҳавола (сноска) вa адабиётлар рўйхати

Жавоб ишига қўйиладиган техник (шаклий, тузилишига оид) талаблар ҳам мустақил ишни рўйхатдан ўтказиш жараёнида муҳим роль ўйнайди. Бунда қуйидаги тартиб ва талабларга эътибор қаратиш лозим:

1. Сарлавҳа акс этган стандарт титул варақ.

2. Microsoft Word дастури техник имкониятлари асосида ёзилган мустақил иш (жавоблар матни).
3. Мустақил ишнинг ҳар бир варағи рақамланиши (саҳифанинг рақами варақнинг пастки қисми ўртасида бўлиши, у 2-саҳифадан бошланиши керак, титул вараққа рақам қўйилмайди).
4. Фойдаланилган адабиётлар рўйхати.
5. Мустақил ишларни А4 ҳажмдаги қоғозга чоп этиш.
6. Мустақил ишнинг матн қисми қуйидаги кўринишда бўлмоғи керак:

Саҳифа шакли – “китоб”(“книжная”); юқори ва пастки чизиқлар – 2 см; ўнг – 1,5 см; чап – 3 см;

“Times New Roman” шрифти, ҳажми 14; қатор оралиғи – 1,5.

7. Бакалавриат босқичи талабаларининг мустақил иши ҳажми қуйидагича бўлиши керак:

1-курсда камида 1000 сўз;
2-курсда камида 1500 сўз;
3-курсда камида 2000 сўз;
4-курсда камида 2500 сўз.

8. Магистратура талабаларининг мустақил иши ҳажми камида 3000 сўздан иборат бўлади.

Агар талабанинг мустақил ишида илмий ва ҳуқуқий манбалардан олинган маълумотлар, матнлар (цитата ва ҳаволалар) бўлса, улар олинган матн ёки ҳавола тугаган саҳифанинг остида ёхуд саҳифанинг ўзида (қавс ичида) қуйидаги тартибда тузилган изоҳ кўринишида акс эттирилиши керак:
асар муаллифининг исми шарифи;
илмий иш, манба номи;
нашр қилинган жойи, нашриёт номи, нашр йили;
маълумот олинган саҳифа рақами.
Масалан: Насиба Юсупова. Тайм менежмент. Вақтни бошқариш санъати. – Т.: “Янги аср авлоди”. 2009. – Б.43.

(Адылкариев Х. Т., Тультеев И.Т., Азизов Н.П. и др. Теория государства и права: Учебник – Т.: Академия МВД Республики Узбекистан, 2014. – C. 392.)

Мустақил иш, албатта, унинг вужудга келишига асос бўлган манбалар базасига эга бўлиши керак. Яъни талаба мустақил ишни тайёрлашда фойдаланган раҳбарий адабиётлар, махсус (мутахассисликка оид) адабиётлар, илмий мақолалар, меъёрий-ҳуқуқий манбалар, даврий нашрлар материаллари, электрон ўқув ресурслари ёзма иш якунида кўрсатилмоғи лозим. Фойдаланилган адабиётлар рўйхатини тузишда ҳам муайян тартибга амал қилинади:

раҳбарий адабиётлар;
махсус (мутахассисликка оид) адабиётлар;
хорижий манбалар;
норматив-ҳуқуқий ҳужжатлар;
даврий нашрлар материаллари;
электрон ўқув ресурслари.