Glossariy alohida muhofaza

Ekologiya huquqi jamiyatdagi ekologik munosabatlarni huquqiy tartibga solishni o‘zining o‘rganish yoki izlanish predmeti qilib olgan o‘quv kursi va fan sohasi.
Ekologiya huquqi fani yuridik harakterga ega bo‘lgan kishilar o‘rtasidagi o‘zgaruvchan atrof tabiiy muhitga nisbatan yuzaga keladigan barcha munosabatlarni tadqiq qilish predmeti bo‘lgan fan sohasi.
Ekologiya huquqi o‘quv kursi Ekologiya huquqi fanida tadqiq qilingan nazariy va amaliy bilimlarni mujassamlashtirilgan va umumlashtirilgan tarzda ta’lim beradigan predmet.
Ekologiya huquqi manbai ekologik-huquqiy munosabatlarni tartibga solishda huquqiy asos bo‘la oladigan qonun va qonunchilik hujjatlari yig‘indisi.
Ekologiya huquqi ob’ekti amaldagi qonunlar bilan muhofaza qilish va oqilona foydalanish imkonini beruvchi atrof tabiiy muhitning tarkibiy qismlari.
Ekologiya huquqi usuli ekologik munosabatlarga ta’sir etish yoki ularni huquqiy jihatdan tartibga solish yo‘l (metod)lari.
Ekologiya huquqida milliy muayyan davlat tomonidan mulk si-
mulk ob’ektlari fatida o‘zlashtirish imkoni bor tabiiy unsurlar.
Ekologiya huquqining prinsipi ekologik munosabatlarni huquqiy jihatdan tartibga solishda amal qilinuvchi yoki yo‘naltiruvchi qoidalar.
Ekologiya huquq tizimi ekologiya huquqining qonuniyatlariga asoslangan tarzda ekologik munosabatlarni tartibga soluvchi uning qismlari va institutlarining ma’lum bir ketma-ketlikda joylashgan yig‘indisi.
Ekologiya huquqining predmeti ekologik-huquqiy munosabatlar, ya’ni atrof-muhitni muhofaza qilish va tabiiy resurslardan oqilona foydalanishda yuzaga keladigan yuridik harakterdagi ijtimoiy munosabatlar.
Ekologiya solig‘i tabiiy ob’ektlardan foydalanganliklari, shuningdek, atrof-muhitni ifloslantirganliklari uchun jismoniy va yuridik shaxslardan doimiy, muddatli yoki bir marotabalik to‘lovlar.
Ekologik xavfsizlik atrof tabiiy muhit holatini organizmlarning hayotiy zarur ehtiyojlariga javob bera olishi yoki insonlar uchun sog‘lom, toza va qulay tabiiy sharoitga ega atrof-muhit holati.
Ekologiyaning maqsadi hozirgi va kelajak avlodlar uchun ekologik xavfsiz muhitni ta’minlash.
Ekologiya o‘quv predmeti tirik organizmlar, shu jumladan, insonlarning atrof-muhit bilan bo‘lgan hayot tarzi haqidagi ta’limni beruvchi o‘quv kursi.