Тиббиёт олий таълимгохи талабалари учун дарслик

Манийнинг узгариши.
Одатда 1 мл эякулятда 60 млн.дан зиёд сперматозоидлар булиб, унинг 80% 30 дакика давомида харакаткила оладиган булади.
Жинсий алока вактида эякулятнинг булмаслиги асперматизм дейилади. Лекин жинсий якинликка интилишда эрекция сакланади. Асперматизм наслсизликка олиб келади. Уруг чикариш каналларининг тусилиши, простата безининг ва сийдик каналининг орка булимини чандикланиши, уруг чикариш каналларининг эктопияси асперматизмга сабаб булиб, уругни ковукка отилиб чикишига олиб келади.
Моякни гистологик усул билан текширганда, унда одатдаги сперматогенезининг борлиги аникланади.
А с п е р м и я д а эякулят булиб, лекин уруг хужайралари булмайди: эякулят факат простата безининг ва уруг пуфакчасининг секретларидан иборат булади.
Эякулятда отилган сперматозоидлар булмай, етилмаганлари булишига азооспермия дейилиб, секретор ва экскретор хиллари булиши мумкин. Биринчи хилида тухумда сперматогенез бузилади: тухумнинг биопсиясида уруг найчаларининг атрофияси аникланиб, факат сперматогонийни, одатдаги сперматозоидларгача етилиши баъзи бир найчаларда булади. Тухумнинг етишмай усиши, шикастланиши, тухум пардасида сарик сувнинг йигилиши, варикоцеле хамда яллигланиш касалликларидан сунг тухумда дегенератив узгариш ва сперматоген эпителей атрофияси туфайли, секретор азооспермия булиши мумкин. Бу белги авитаминозда, диабетда, нурланишда, асаб-рухий касалликларида учраши мумкин. Яллигланиш касалликларидан сунг уруг чикариш йулларида чандикларнинг пайдо булиши экскретор азооспермияга олиб келади. Тухумнинг биопсияси оркали сперматогенезининг сакланганлигини аникланади.
Эякулятда сперматозоидлар етарли микдорда булмаса олигозооспермия дейилиб – 1мл спермада 30 млн.дан 5 млн.гача булиб харакатчан сперматозоидлар сони 30% гача ва ундан хам озайган булади, одатдаги шаклдагилар сони факат 5-10 % га етиб сперматогенез хужайралари эса 40% ва ундан купрок булади. Тухумни гистологик йул билан текширганда, сперматозоидларнинг етилиши куп найчаларда факат сперматид стадиясигача етади. 1 мл эякулятда 20 млн.дан озрок фаол сперматозоидлар булса тухум хужайрасининг уругланиши булмайди. Олигозооспермия моякни етилиб усмаслиги, крипторхизм булиб утган огир юкумли касалликлардан кейин, никотин ва алкоголь билан захарланиш ва жинсий аъзоларнинг яллигланиши касалликлари натижасида вужудга келиши мумкин.
Некроспермия - эякулятда етарли микдорда сперматозоидлар булиб, харакатсизлиги туфайли уларни термостатда, хатто махсус эритмага солганда хам тирилмайдилар. Сперматозоидларнинг етилиши моякнинг ортигида нихоясига етади, ундаги патологик узгаришлар некроспермияни пайдо булишига сабаб булади. Простата бези ва уруг пуфакчаларининг яллигланиш зурайишларида хам некроспермия булиши мумкин. Эякулятни махсус рангли эозин билан буяб, микроскоп оркали текшириб ташхис куйилади.
Гемоспермия - спермада коннинг булиши. Хакикий гемоспермияда кон спермага моякдан, мояк ортигидан, уруг пуфакчасидан, простата безидан тушиб, сперманинг ранги тук кизил ёки жигар рангда булади. Сохта гемоспермияда кон эякулят билан сийдик каналида аралашиб, сперма кип-кизил рангга буялган булади. Гемоспермия жинсий аъзоларнинг яллигланиш касалликларида хам пайдо булади. Кекса ёшда бу простата бези ракининг белгиси хам булиши мумкин.