Umumiy o'rta ta'lim sifatini oshirish: mazmun, metodologiya, baholash va ta'lim muhiti

8

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

MAKTAB BAZASIDA MALAKA OSHIRISH ZAMONAVIY TA’LIM 

MUHITINI YARATISHNING MUHIM OMILIDIR 

 

Ergasheva Malohat Tursunovna, 

A.Avloniy nomidagi XTTRMXQTMOI “Pedagogika psixologiya” kafedrasi mudiri, 

dotsent 

 

Har bir pedagog zamon bilan hamnafas bo‘lishi, bugungi kun talabiga javob berishi 

lozim. Buning uchun uzluksiz o‘rganishi, o‘z kasbiy layoqatini takomillashtirib borishi 

zarur.  Tadqiqotlardan  ma’lum  bo‘lishicha,  pedagoglarni  kasbiy  tayyorlash  bir  necha 

bosqichdan iborat: oliy ta’lim, ishlab chiqarishgacha o‘qitish, yosh o‘qituvchilar uchun 

tanishtiruv dasturlari, ishdan ajralmagan holda maktab bazasida malaka oshirish. 

Maktab bazasida malaka oshirish (keyingi o‘rinlarda MBMO) xususiy maktabning 

ehtiyojlarini  hisobga  olgan  holda,  o‘zini  o‘zi  o‘qitadigan,  hamkorlik,  o‘zaro  yordam 

qonunlari asosida yashaydigan jamoani shakllantirishga zamin yaratadi. 

MBMOning  ilk  tadqiqotlariga  ko‘ra,  bunday  dasturlar  dastlab  AQSH,  Kanada, 

Birlashgan  Qirollik,  Avstraliya,  Yangi  Zelandiyada  o‘qituvchilarni  ishdan  ajralmagan 

holda  o‘qitishning  yangi  strategiyasi  sifatida  yuzaga  keldi.  Keyinchalik  bu  davlatlar 

MBMOning maktab ta’limini rekonstruktsiya qilish yoki kasbiy rivojlanish harakatiga 

qiyoslanadigan  keng  qamrovli  dasturlarni  ishlab  chiqdilar  va  ularga  Yaponiya,  Isroil, 

Gollandiya, Germaniya kabi davlatlar qo‘shildi. 

O‘qituvchilar  kasbiy  tayyorgarligining  amaliy  yo‘nalishi  o‘tgan  asrning  

90-yillaridan  “MBMO  beshigi” hisoblanadigan  Birlashgan  Qirollikda  yaqqol namoyon 

bo‘la  boshladi.  O‘qituvchilar  uchun  boshlang‘ich  trening  (ishlab  chiqarishgacha