Xiv a`sirde do`retilgen a`debiy shig`armalardin` ishinde turkiy tilde jazilg`an. XIV a`sirde do`retilgen a`debiy shig`armalardin` ishinde turkiy tilde jazilg`an

Qol jazba jaqsi saqlang`an, ko`lemi jag`inan 372 bet, ha`r bir betke 13 qatar jaziw jazilg`an. Birinshi betinde to`rt qatar qosiq Shahzada Axmettin` Egipetke keliw mu`na`sibetine baylanisli jazilg`an. Jalayir sultani Axmet Azerbayjan ha`kimlerinen biri bolg`an adam. Ol 1382-1410-jillari ha`kimlik etken. 1385-jili onin` a`skerleri A`mir Temur menen bolg`an urista jen`iledi. A`mir Temurdan jen`ilisten keyin shahzada Axmet Egipetke ketedi; Gulistan-bit turkey din` birinshi betinde jazilg`an qosiq a`ne usi da`wirlerge sa`ykes keledi. Qol jazbanin` to`rtinshi betinen awdarma baslanadi. Turk ilimpazi Taymas Battal Ankarada &Turk dili arashtirmalari yillig`i[ jurnalinda &Seyf Sarayinin` Gulistan terjumesin go`zden keshirish degen maqalasin ja`riyaladi. Taymas Battal esteliktin` tilin izerlew barisinda onin` qipshaq tilinde jazilg`anin aniqlaydi.bTili tuwrali aytatug`in bolsaq, tili a`piwayi ha`m xaliqqa tusinikli. Orinsiz tu`rde arab-parsi so`zleri ha`m so`z dizbekleri jumsalmag`an.

Sayfi Sarayinin` Gulistan-bit-turkiy[ sh7g`armasinin` keynine tu`rkiy tilde jazilg`an segiz g`a`zzel ha`m olardin` avtorlari berilgen. Ma`selen, usi waqitqa shekem belgisiz bolip kelgen shayirlar Mavlan Kadi, Muxsin, Mavlan skax, Abdulmajit, Tog`li Xoja Xasan og`li h.t.b. So`zlik quram7nda 1136 tu`rkiy so`zleri jumsalg`an. Bul estelik boyinsha arnawli ilim izertlew jumisin alip barg`an prof. A`. Nadjip bolip tabiladi: XIV a`sir esteligi Sayfi Sarayinin` Gulistan shig`armasi ha`m onin` tili degen miyneti Alma-Ata qalasinan 1975 jili basilip shiqti.

Abilg`azi Bahadirxannan miyras bolip eki tariyxiy miynet qaldi. Birinshisi Shajaraiy Tarakima[ shig`armasi 1658-1661-jillari jazilg`an. Bul miynette tu`rkmen xalqinin` kelip shig`iwi xaqqinda bahali mag`liwmatlar beriledi. Bul miynette ati a`psanag`a aylang`an Og`uzqag`an ha`m onin` a`wladlari tu`rkmen uriwlari-salir, bayandir, teke, yawmit, tevashi, xizr eli, sariq, er sari h.t.b. kelip shig`iw tariyxi bayanlang`an. Bul miynet Abilg`azi Baxadirxannin` o`zinin` ko`rsetiwine qarag`anda tu`rkmen mollalari , shayixlari, beklerinin` o`tinishine baylanisli jazilg`an. Miynettin` kritikaliq teksti, rus tiline awdarmasi 1958-jili akademik A.N.Kononov ta`repinen tayarlanip Sankt-Peterburgta basip shig`arildi. Abilg`azinin` ekinshi miyneti Shejireyi tu`rk dep ataladi, 1663-1664-jillari jazilg`an.