Xulosa va takliflar Foydalanilgan adabiyotlar ro‘yxati

Amaliyot hisobotining obyekti qilib Toshkent shahrida joylashgan uch yulduzli “Hilal Hotel” mehmonxonasi, predmeti qilib esa, “Hilal Hotel” mehmonxona xo‘jaligini rivojlantirish bosqichlari bilan bog‘liq ijtimoiy-iqtisodiy munosabatlar olindi.
Amaliyot hisobotining maqsadi. “Hilal Hotel” mehmonxona xo‘jaligini rivojlantirishning asosiy bosqichlarini o‘rganish yuzasidan ilmiy taklif va amaliy tavsiyalar ishlab chiqishdan iborat. Ushbu maqsaddan kelib chiqib, amaliyot hisobotning vazifalari quyidagilardan iborat:

• 
  “Hilal Hotel” mehmonxona faoliyatining umumiy tavsifini yoritish;
  
• 
  “Hilal Hotel” mehmonxonasining yangicha qiyofasi va joriy etgan yangi dasturini ochib berish;
  
• 
  “Hilal Hotel” mehmonxonasining boshqaruvini o‘rganib chiqish;
  
• 
  “Hilal Hotel” mehmonxonasining ko‘ngilochar dasturlari va restoranlari haqida ma’lumot berish;
  
• 
  “Hilal Hotel” mehmonxonasining yutuq va kamchiliklarini tahlil qilish.
  

Ushbu amaliyot hisobotining ahamiyati shundaki, unda keltirilgan materiallardan “Hilal Hotel” mehmonxona xo‘jaligini rivojlantirish bosqichlari bilan bog‘liq masalalarni hal etishda va ularning faoliyatini yanada rivojlantirishda, u haqida to‘liq ishonchli ma’lumot olishga asos bo‘la oladi.
1.“Hilal Hotel” mehmonxona faoliyatining umumiy tavsifi.
“Hilol Hotel” mehmonxonasi 2010-yilda “AKFA GROUP” MCHJ tashkiloti tomonidan tashkil topgan bo‘lib, dastlab mehmonxona 4 qavatdan iborat bo‘lgan, hozirda esa 9 qavatni tashkil etadi. Mehmonxona yarim gektar hududni egallaydi.
“Hilol Hotel” mehmonxonasining Toshkent viloyatida o‘rni katta. “Hilol Hotel” mehmonxonasining keng va zamonaviy xonalari ham xordiq chiqarish uchun juda qulay. Mehmonxona Toshkent shahrida joylashgan bo‘lib, jamoat transporti orqali osongina yetib kelish va osongina shaharning istalgan joyiga borish mumkin.
Mehmonxonada mazali taomlar tayyorlanadigan oshxona, korporativ yig'ilishlar va boshqa tadbirlarni o‘tkazish uchun ziyofat zali mavjud. Unda fitnes markazi, ochiq basseyn hamda ko‘ngilochar maskanlari mavjud.
2010-yildan buyon “Hilol Hotel” mehmonxonasi turistlarga oliy toifada xizmat ko‘rsatib kelmoqda.