Yozma ishi bmtning 75-yubiley sessiyasi: tarixga – ibrat, kelajakka – ishonch nigohi ila

BMT BOSH ASSAMBLEYASI 75-SESSIYASINING O‘ZIGA XOS XUSUSIYATLARI

Avvalambor, BMT oliy organi bo‘lmish Bosh Assambleyaning navbatdagi sessiyasi, mazkur nufuzli xalqaro tashkilot nizomiga muvofiq, har yili sentabr oyining uchinchi seshanbasida ochiladi. Bu yil ham 15 sentabr kuni Nyu-York shahrida Bosh Assambleyaning navbatdagi sessiyasi an’anaviy tarzda ochildi.

O‘zbekiston Respublikasi Prezidenti Shavkat Mirziyoyev ta’kidlaganidek, “Afsuski, biz Birlashgan Millatlar Tashkilotining 75 yillik yubileyini misli ko‘rilmagan tahdidlar sharoitida nishonlashimizga to‘g‘ri kelmoqda. Yangi ko‘rinishdagi koronavirus pandemiyasi nafaqat sog‘liqni saqlash, balki iqtisodiy, ijtimoiy va gumanitar sohalarda g‘oyat og‘ir inqirozga olib keldi.

Bunday murakkab holatdan chiqariladigan asosiy saboq shundan iboratki, bu ofat jahondagi barcha mamlakatlar bir-biri bilan uzviy bog‘lanib ketganini yana bir bor namoyish etdi”.

BMT Bosh Assambleyasi yubiley sessiyasining avvalgi 74 ta sessiyadan shaklan va mazmunan farq qiladigan bir qator xususiyatlari mavjud.