Bitiruv malakaviy ishning ob’ekti va predmeti. Bitiruv malakaviy ishning obekti Revmatizm kasalligi hisoblanilib, predmeti esa bu kasalliklarni davolashda qo`llaniladigan dori vositalari va xalq tabobatida foydalaniladigan usullaridir.
Ilmiy yangiligi. Revmatizm kasalligini davolashda ishlatiladigan dori vositalari va o’simliklardan olinadigan moddalar kimyoviy tarkibi o`rganib chiqildi, xalq tabobatida davolash usullari tahlil qilindi va solishtirildi.
Amaliy ahamiyati. Ma’lumki, hozirgi kunda ilm fan va sog`liqni saqlash tizimiga katta e`tibor berilmoqda. Ammo, revmatizm,shamollash,yurak – qon tomir kasalliklari bilan og`rigan bemorlar juda ko`plab uchraydi. Bu kasallikning ayrim turlari bilan nafaqat katta yoshdagilar, balki, bolalar ham kasallanmoqda. Kasallikning asosiy sabablari deb yuqorida aytilganidek kamharakatlilik, eng muhimi tartibsiz hayot tarzi kabi sabablarni keltirish mumkin.
Do'stlaringiz bilan baham: |