Замонавий педагогик технологиялар

Тўртинчи –ИТТ хусусияти муҳандислик ечимлар турини кескин ошиши, материалларнинг тез-тез алмашинуви, технологик жараёнлар, машиналар конструкцияси, бошқариш тизимларининг автоматлаштириш даражасининг ошиши, илмий ютуқлар натижасини ишлаб чиқаришга татбиқ этиш муддатларини камайиши ҳисобланади. Масалан, телефон алоқасининг ихтиро қилиниши билан уни амалга ошириш орасида 56 йил ўтган бўлса, радио учун 35 йил, телевизор учун 14 йил, атом энергияси учун 6 йил, транзистор учун 5 йил ўтди. Ҳозирги пайтда эса бу муддатлар одатда бир йилдан ошмайди.
Шунинг учун мутахассислар тайёрловчи барча тизимлар бир томондан улардан узлуксиз ўзгариб турадиган ишлаб чиқариш техника ва технология шароитида зудлик билан мослашувни шаклланишига йўналтирилиши, иккинчи томондан улар билимининг ҳаракатчанлиги, танқидий фикрлашув касбий фаолиятида ижодийлик ва мослашувчанлик каби хислатларга эга бўлиши зарур. Бу эса замонавий муҳандис ва ишчининг қиёфасидир.
Бешинчидан, жадаллашаётган ИТТнинг ортиб борадиган талабларига тўла жавоб берадиган мутахассисларни тайёрлаш учун ўқитишни жадаллаштириш, инсон организмининг бутун имкониятларини, унинг онгини ўқитишда ишга солиш зарур. Бу эса ўқув жараёнида ахборот берилаётганидан, ўқув телевидениясидан фойдаланишни тақозо этади.
Олтинчидан-ҳар қайси одам туғилганидан бошлаб алоҳида индивидиум ҳисобланади, яъни ҳар кимнинг ўзига хос ақлий ривожланиши, таълим олишга қобилияти бўлади. Бундан келиб чиққан ҳолда, замонавий ўқитиш тизимининг вазифаси инсоннинг индивидуал қобилиятларини ривожлантиришга қаратилмоғи лозим.
Юқорида баён қилинганлардан кўриниб турганидек, кадрлар тайёрлашнинг ҳозирги предметли (фанлар) тизими поғонама-поғона, узлуксиз ислоҳ қилиниши лозим.
Бу тизим фанлар орасида сунъий тўсиқларни сақлаб қолиб, замонавий касбий таълим эҳтиёжларига тобора камроқ жавоб бермоқда. Бу масалаларни муваффақиятли ҳал этишга ёрдам берадиган, замонавий талабларга кўпроқ мослашган ўқитишнинг шахсга йўналтирилган технологиялари, жумладан, кадрлар тайёрлашнинг модул тизимидир. Кадрлар тайёрлаш миллий дастурида бунга алоҳида эътибор қаратилган, унда таъкидланганидек, «янги педагогик ва ахборот технологиялари, тайёргарликнинг модул тизимидан фойдаланган ҳолда талабаларни ўқитишни жадаллаштириш » лозим.
Шахсга йўналтирилган ўқитиш технологиялари, бу касбий таълимнинг ҳозирги куни ва унинг келажагидир.