4. Қозиқларни ботириш технологияси
Қозиқлар қурилиш индустрияси корхоналаридан грунтга ботириш учун тайёр ҳолда етказиб берилади. Грунтнинг тавсифларига боғлиқ ҳолда қозиқларни ўрнатишининг бир қатор методлари мавжуд, шу жумладан, зарбали, вибрацияли, босим билан, бураб киритиш, ювиш ва электро осмосдан фойдаланиш, шунингдек бу методларнинг турли хил комбинациялари.
Зарбали метод зарба (уриш) энергиясидан (зарба юкланиши таъсиридан) фойдаланишга асосланган бўлиб, бунда қозиқ зарба таъсирида ўзининг пастки ўткирланган қисми билан грунтга киритилади. У ботирилган сари грунт зарраларини четга, қисман пастга ёки юқоригача суриб чиқаради. Ботиш натижасида қозиқ унинг ботирилган қисмининг ҳажмига амалий жиҳатдан тенг бўлган грунт ҳажмини сиқиб чиқаради. Бу грунтнинг оз қисми ер сиртига чиқарилади, катта қисми эса атрофидаги грунт билан аралашади ва грунтли заминни анча зичлайди. Қозиқ атрофидаги зичланган грунтнинг сезиларли зонаси қозиқнинг 2...3 диаметрини ташкил этади.
Do'stlaringiz bilan baham: |