Zamonaviy o‘qitish vositalari va axborot texnologiyalari ilmiy, o’quv-uslubiy ishlab chiqarish laboratoriyasi

O‘RTA MAXSUS, KASB-HUNAR TA’LIMI MARKAZI

«Zamonaviy o‘qitish vositalari va axborot texnologiyalari" ilmiy,

o’quv-uslubiy ishlab chiqarish laboratoriyasi

o’quv – uslubiy elektron qo’llanma

Toshkent - 2004

Ilmiy raxbar:
E. G. Xasanov - f.m.f.n., dotsent, “Zamonaviy o’qitish

vositalari va axborot texnologiyalari»

ilmiy, o’quv-uslubiy ishlab chiqarish

laboratoriyasi direktori

Mualliflar:
Muhayyo Akromxo’jayeva

Ra’no Akromxo’jayeva

Taqrizchlar:
A.T. Abdurahimova - Toshkent Davlat Pedagogika

oliygohining aspiranti

Mo’minova Feruza – A. A. Xo’jayev nomidagi

RESPUBLIKA DIZAYN KOLLEJI

Odamning qiymati emas simu-zar

Odamning qiymati bilim va hunar

Kirish

Qadrli o 'quvchilar!

Vatanimiz mustaqillikka erishgandan so'ng har jabhada ijobiy o'zgarishlar, yuksalishlar sari borayotganimiz quvonarli holdir.

Mustaqillikka erishganimizdan keyingi yillarda nafaqat ta'lim, savdo-sotiq, fan va texnika, balki milliy hunarmandchiligimizda ham salmoqli yutuqlarga erishmoqdamiz. Milliy hunarmandchiligimiz hattoki davlat siyosati darajasigacha ko'tarilib, unga alohida e'tibor bilan yondashilmoqda. Milliy qadriyatlarimizni tiklash, o'zligimizni anglash, ota-bobolarimiz qoldirgan boy merosni qadriga yetish va ulardan o'z hayotimizda, faoliyatimizda unumli foydalanish, bugungi biz erishgan va erishayotgan yutuqlarimizning garovidir. 5 sinfdan boshlab siz O'zbekistonda juda keng tarqalgan hunar turlaridan biri –Zardo’zlik hunarini o'rganish uchun ushbu qo'llanmani oldingiz. Uning yordamida siz Zardo'zlik hunari tarixi, asbob-uskunalari, naqsh turlari, oddiy naqsh elementlari turlarini chizishni, naqsh kompozitsiyalari tuzishni, zardo'zlik uchun foydalaniladigan zar, kumush, ipak iplar, gazlamalarning turlari bilan hamda buyumlarni Zardo'ziy guldo'ziy, Zardo'ziy zamindo'ziy, Zardo'ziy birishimdo'ziy, gullariga qo'shimcha oro berishda Zardo'ziy UlakChado'ziy kabi Zardo'z tikishni o’rganasiz. Keyingi vaqtlarda Zardo'zlik san'ati o'zining badiiy qiymati, ranglardagi nazokatni chuqur his qilishga, milliy naqshlarning ayrim elementlari va kompozitsion tikilishiga talab kuchayib bormoqda. Chunki kishilarimizning madaniyatga, badiiy bezakka bo’lgan qiziqishi tobora oshib bormoqda. Zardo'zlik hunarini qunt va tirishqoqlik bilan o’rganishingiz kerak.

Tikilgan naqsh bezaklari orqali siz borliqni, go'zallikni, yaxshilikni kishilarga zar ip bilan tikilgan milliy naqsh tili orqali estetik zavq bag'ishlaysiz.

Bular orqali siz kelajakda meros bo'lib qolgan o'zbek milliy san'atimizni, asriy an'analarimizni davom ettirib, nodir asarlar yaratib, zardo'zlik san'atining xazinasiga, madaniyatimizga katta hissa qo'shgan bo'lasiz.