Ўзбекистон ёшлар иттифоқининг корхона, ташкилот ва муассасалардаги бошланғич ташкилотлари учун

_________________________ (Вазирлик, идора ва муассаса номи, лавозими)
_______________ (Ф.И.Ш.)
Тошкент ш., 2017 йил ___ ___________, ________-сон
Ўзбекистон ёшлар иттифоқи Марказий Кенгаши раиси		К.Куранбаев
Тошкент ш., 2017 йил ___ ___________, ________-сон

1-илова

Вазирлик, идора ва ташкилотларнинг республика бошқаруви органларида
Ўзбекистон ёшлар иттифоқининг тегишли тизимлардаги
бошланғич ташкилотлари фаолиятини мувофиқлаштирувчи
Етакчилар кенгаши тўғрисида
НИЗОМ


I. Умумий қоидалар
1. Вазирлик, идора ва ташкилотларнинг республика бошқаруви органларида Ўзбекистон ёшлар иттифоқининг тегишли тизимлардаги бошланғич ташкилотлари фаолиятини мувофиқлаштирувчи Етакчилар кенгаши (кейинги ўринларда Етакчилар кенгаши, деб юритилади) Иттифоқнинг қуйи тизимларидаги бошланғич ташкилотлари фаолиятини жонлантириш, уларнинг муаммо ва камчиликларини бартараф этишда амалий ёрдам бериш мақсадида ташкил этилади.
2. Етакчилар кенгаши вазирлик, идора ва ташкилотларнинг Ўзбекистон ёшлар иттифоқи Марказий Кенгаши ўртасида имзоланган қўшма қарори асосида республика бошқаруви органларида тузилади ҳамда мазкур Низом асосида фаолият юритади.
3. Етакчилар кенгаши вазирлик, идора ва ташкилотларнинг республика бошқаруви органлари тизимидаги бошланғич ташкилотлари учун бажарилиши мажбурий бўлган қарорлар чиқариш ҳамда уларнинг ишини мувофиқлаштириб бориш ваколатига эга.