Ўзбекистон республикаси қишлоқ хўжалиги вазирлиги, Қишлоқ хўжалиги ва озиқ-овқат таъминоти илмий ишлаб чиқариш бўлими, Ўсимликлар генетик ресурслари илмий-тадқиқот институти Сурхондарё илмий тажриба станцияси негизида Германия ҳалқаро ҳамкорлик жамияти

Ўзбекистон республикаси қишлоқ хўжалиги вазирлиги, Қишлоқ хўжалиги ва озиқ-овқат таъминоти илмий ишлаб чиқариш бўлими, Ўсимликлар генетик ресурслари илмий-тадқиқот институти Сурхондарё илмий тажриба станцияси негизида Германия ҳалқаро ҳамкорлик жамияти (GIZ) ёрдамида ташкил этилган боғдорчилик агротехник ҳизмаларини кўрсатиш бўлими фаолияти
Агротехник воситалардан фойдаланиш бўйича қўлланма – Июл, 2020-йил

ИЛМИЙ ТАДҚИҚОТ ИНСТИТУТИ ТАСНИФИ
Хўжаликнинг ташкил топган вақти: Ўсимликлар генетик ресурслари илмий-тадқиқот институти давлат бюджетидаги илмий ташкилот ҳисобланади. Ўзбекистон Республикаси Вазирлар Маҳкамасининг 2020 йил 13 майдаги 282-сонли қарори, Ўзбекистон Республикаси Қишлоқ хўжалиги вазирининг 2020 йил 15 майдаги 80-сонли буйруғи ва Қишлоқ хўжалиги ва озиқ-овқат таъминоти илмий-ишлаб чиқариш Бўлими Бош директорининг 2020 йил 21 майдаги 29-сонли буйруғига асосан Ўсимликшунослик илмий-тадқиқот институти негизида Ўсимликлар генетик ресурслари илмий-тадқиқот институти ташкил этилган.
Институтнинг асосий мақсади:
Институт маданий ўсимликларнинг генетик ресурслари ва уларнинг ёввойи аждодлари, жаҳон коллекцияларини тирик ҳолда кафолатли сақлаш, бойитиш, ривожлантириш, ўрганиш ва оқилона фойдаланишга йўналтирилган фундаментал ва амалий илмий изланишларини амалга ошириш мақсадида мамлакатнинг озиқ-овқат, экологик ва биоресурслар хавфсизлигини таъминлаш ҳамда қишлоқ хўжалиги экинлари генетик ресурслари соҳасида янги билимларни олиш, фан ютуқлари ва илғор тажрибаларни агросаноат мажмуаси соҳасига тадбиқ этиш масалаларини ҳал этиш орқали унинг технологик, иқтисодий ва ижтимоий ривожланишига имкон яратишдан иборатдир.
Институтнинг асосий вазифалари:

Ўсимликлар генетик ресурслари илмий-тадқиқот институти тузилмаси

Илмий-тадқиқот институти Сурхондарё илмий тажриба станцияси: 1994 йил ташкил топган бўлиб 16.03.2015 йили Сурхандарьё вилояти, Жарқўрғон тумани Давлат Хизматлар Бўлимида қайта рўйхатдан ўтган.
Илмий тажриба станцияси манзили: Сурхандарьё вилояти, Жарқўрғон тумани, Сурхон, Баймоқли махалла
Рўйхатдан ўтиш рақами: 09 (гувохнома илова қилинади), (1-илова)
Илмий тажриба станцияси фаолият кўрсатиш максади: Мевали экинлар жаҳон коллекциясини йиғиш ва улар орасида Ўзбекистоннинг жанубий ҳудудларига мос келадиган мевали экин турларини ажратиб олиш уларни кенг ишлоб чиқаришга тадбиқ қилиш ва булар учун бирламча кўчатчиликни ташкил этиш.
Илмий тажриба станциянинг ҳозирги фаолияти
Ҳозирги вақтда станцияда узумнинг 1200 та, мевали экинларнинг 1035 навлари мавжуд. Булар устида фенологик кузатувлар олиб борилмоқда.
Узумнинг жаҳон коллекциясида Франция, Италия, Озарбайжон, Грузия ва Молдавиядан олиб келинган винобоп узумлар Туркманистон ва Тожикистондан олиб келинган эртачи экспортбоп хўраки навлари ҳосилдорлиги ва сифат кўрсаткичлари билан бошқа навлардан ажралиб туради.
Мевали экинлар Республикамизда ўзининг ҳосилдорлиги, эртапишарлиги ва экспортбоплиги билан ажралиб турадиган олма, шафтоли, ўрик, олхўри, бодом ва нок навлар ажратиб олиниб кўчатчилиги йўлга қўйилган. Бу навларнинг эртапишарлиги, ҳосилдорлиги, касаллик ва зараркунандаларга, иссиқ ҳамда қурғоқчиликка чидамлилиги устида илмий тадқиқот ишлари олиб борилмоқда.
Халқаро алоқалар

• 
  2013 йилда Германиянинг Халқаро Ҳамкорлик (GIZ) ташкилоти томонидан Сурхондарё илмий-тажриба станциясига 342 168 576 сўмлик инвестиция киритилган.
  
• 
  2013 йил GIZ билан биргаликда Европа давлатлари ва Россиянинг асосий майдонларида экилаётган пакана ва ярим пакана мевали экинларнинг 140 дан ортиқ навлари олиб келинди.
  
• 
  Ҳозирги кунда Европа давлатларидан олиб келинган ушбу навлар устида иссиққа ва қурғоқчиликка чидамлилиги бўйича кузатув ишлари олиб борилмоқда.
  

Бундан ташқари Кегейли илмий-тажриба станциясининг моддий техник базасини мустаҳкамлаш ҳамда ҳудуддаги фермер хўжаликларига агротехник ҳизматлар кўрсатиш имкониятларини ошириш мақсадида GIZ моддий кўмагида станция негизда “боғдорчилик агротехник ҳизматларини кўрсатиш бўлими” ташкил этилди ва бўлим барча зарур қишлоқ хўжалиги техникалари билан жиҳозланди.