Ўзбекистон республикаси олий ва ўрта махсус таълим маркази низомий номидаги

Статик функциялар (боланинг ҳаракат малакалари).
Статик функциялар боланинг мотор ривожланишини ҳисобга олган ҳолда баҳоланади. Бу боланинг турлича ҳаракат малакалари. Бунда боланинг бошини тутишини қайси вақтдан бошланганлигини, қўли билан ҳаракат бажарганини (объектни ушлаб кўриш, чангаллаш, бир қўл билан ўйинчоқларни ушлай олиши, турли ҳаракатларни бажариши) динамик функцияларнинг юзага келиши (қорин билан орқага, орқаси билан қорнига ағдарилиши, судралиши, ўтириши, тик тура олиши, юриши, югуриши) аниқ вақтларини ҳисобга олиш зарур. 2 ойликда бола бошини яхши тута олади, 3 ойликда эса, қорни билан орқасига яхши ағдарила олади, 6 ойликда ўтиради, агар уни ўтказишса, 7.5 ойликда (бола судралишни яхшилаб ўрганиб олса) ўзи ўтиради, 9 ойликда яхши тура олади, 10 ойликда манежда, қўлидан ушлаганда юради, 12 ойликда мустақил юра олади.
Статик функцияларни ривжлантиришда болалар учун турли комплекс машқлар ўтказилади: 1 ойликдан 3 ойликкача, 3 ойликдан 6 ойликкача, 6 ойликдан 9 ойликкача, 9 ойликдан 12 ойликкача.


Сут тишларининг ўз вақтида чиқиши (2 ёшгача бўлган болаларда).

Тишлар эмбрион ҳаётининг 40 – кунларига яқин шаклланади. Бола, одатда тишсиз туғилади. Тишларнинг чиқиши физиологик акт ҳисобланиб, биринчи тишлар 6 ойликда чиқади. Аввал, пастки ўртадаги иккита, 8 ойликда юқоридаги иккита ўрта тишлар, 10 ойликда юқоридаги иккита ён тишлар чиқади. Бир ёшда иккита пастки ён тишлар чиқади. Шу тариқа бир ёшда болада 8 та тиш чиқиши керак, 4 та пастда – 4 та тепада. Икки ёш охирига келиб, қолган 12 та сут тишлар чиқади. Болаларда суяк системаси ва мускул аппарати, айниқса, эрта ёшда физиологик заифлиги билан фарқланади ва қатъий жисмоний босимни талаб қилади.

Туғилгандан то 6 ойликкача бўлган болаларнинг психомотор ривожланиши

1-ойлик даври


Эшитиш
Бу даврда чақалоқ товушларнинг кучи ва тембрини осон фарқлай олади. Масалан, 9-11 кунлик чақалоқ баланд товушларга жавобан йиғлайди лекин англамайди. Эшитиш ва англашни 3-5 ойлигидан бошлайди. Баланд товуш таъсирида бола тинчланади (эшитиш диққатининг реакцияси) 10-15 секундга, ундан ташқари ўйинчоқ ва катталарнинг овозини тинглайди.