Ўзбекистон республикаси олий ва ўрта махсус таълим вазирлиги термиз давлат университети

Курс ишини бажаришнинг мақсад ва вазифалари

Курс иши талаба томонидан мустақил бажариладиган илмий изланиш бўлиб, унда талаба ўқиш даври мобайнида олган назарий билимлари, амалий дарсларни қандай даражада ўзлаштирганлигини, шу билан биргаликда ўз ихтисослиги бўйича мехнат фаолият учун тайёргарлик даражасини намоён этади.

Курс иши бакалавриятнинг мазкур йўналишига давлат таълим стандартларида қўйилган талабларга, меҳнат иқтисодиёти. Инсон тараққиёти ва меҳнат муносабатларининг ривожланиш истиқболларига ҳамда мамлакатимиз хукуматининг меҳнат соҳасидаги сиёсати ва бу сохада олиб бораётган иқтисодий ислоҳотлари мазмунига мос келиши мақсадга мувофиқ.
Курс ишини бажаришдан кўзда тутилган мақсад ва вазифалар қуйидагилардан иборат:
-талабаларнинг таълим йўналиши бўйича олган назарий ва амалий билимларни умумлаштириш, тизимга келтириш, мустаҳкамлаш ва кенгайтириш, олинган билимларни аниқ илмий, техникавий, ишлаб чиқариш, иқтисодий, ижтимоий ва бизнес вазифаларини ҳал етишда қўлаш;
- талабаларда мустақил ишлаш кўникмаларини ривожлантириш, ечим талаб этадиган муаммо ва масалаларни тадқиқ этиш усулларини эгаллашга ва тадқиқот ўтказишга имкон яратиш;
- ижодий ишлаш, ишлаб чиқилаётган масаланинг (муаммонинг) қўйилиш жараёнидан бошлаб, уни тўла ниҳоясига етказиш бўйича қарор қабул қилишда бўлган маъсулиятни хис этишга ўргатиш;
- замонавий ишлаб чиқариш, тадбиркорлик ва бизнес, иқтисодиёт, техника ва мехнат бозорининг ривожланиш шароитида талабаларни мустақил ишлашга тайёргарлигини аниқлаш.
Курс ишининг муҳим вазифаларидан бири – талабанинг муаян бир меҳнат корхонаси ёки унинг бўлинмаси мисолида ишлаб чиқаришни ташкил етиш, меҳнат ресурслари ҳолати ва бошқариш масалаларига танқидий баҳо бера олишидир. Ишни бажариш жараёнида фақатгина худуд, тармоқ ва корхонанинг эришган ишлаб чиқариш ва иқтисодий натижаларни қайд этиш билан чекланмай, уларни муайян шарт-шароитлар билан боғлай олиш, мавжуд камчиликлар ва муаммоларнинг келиб чиқиш сабабларини очиб бериш муҳимдир. Ташкилий-иқтисодий масалаларни ишлаб чиқаришнинг меҳнат, техник, технологик ва инсон салоҳияти ҳамда табиий омиллари билан узвий боғликликда кўриб чиқиш лозим.