Ўзбекистон республикаси олий ва ўрта махсус таълим вазирлиги тошкент давлат иқтисодиёт университети туризм асослари

Саудия Арабистони. Пойтахти Ар - Риёд шаҳри. Иқлими - шимолда субтропик, жанубда тропик, қуруқ кескин континентал иқлим. Осиёнинг жануби - ғарбидаги давлат. Ислом мамлакати. Давлат тузуми - абсолют теократик монархия (қироллик). Майдони - 2,25 млн. кв. км., аҳолиси - 23,5 млн. киши (2002 - йил), тили - араб, дини - ислом, пул бирлиги - динор. Йирик шаҳарлари: Ар - Риёд, Жидда, Макка, Мадина. Миллий байраси - 23 - сентябрь - Подшоҳлик эълон қилинган кун (1932 - йил).
Сайёҳлик йўналишлари ва турлари: мамлакатнинг маъмурий жиҳатдан тўрт вилоятга бўлиниши: Хижоз (маркази Макка шаҳри), Асир (маркази Абха шаҳри), Нажд (маркази Ар - Риёд шаҳри), Шарқий вилоят (маркази Даммом шаҳри). Мусулмон дунёсидаги муқаддас зиёратгоҳлар: Макка, Мадина, Жидда шаҳарлари. Ислом оламидаги 5 - рукн ҳисобланган Ҳаж амали учун зиёрат қилиниши. Шунингдек, Умра зиёрати. Макка шаҳрининг Каъбаси, замзам қудуғи, масжидлари. Савдогарлик, ҳунармандчилик. Ҳажга келганлар учун махсус кийимлар (иҳром), тасбеҳ, атирлар, замзам суви учун идишлар, жойнамозлар савдолари. Замонавий отеллари, юксак сервис хизматлари. Халқаро аэропортлари. Макка автомобиль йўлларининг Ар - Риёд ва Жидда шаҳарлари билан боғланиши. Мадина шаҳридаги шаҳар аҳолисининг Макка халқи сингари савдо - сотиқ билан шуғулланиши. Мамлакатнинг дунёдаги Ҳаж ва Умра зиёрати - туризми ривожланган ягона давлат эканлиги.
Ўзбекистон - Саудия Арабистони муносабатлари. 1992 - йил ноябрь ойида Жиддада Ўзбекистон Республикаси консулхонаси, май ойида Ар - Риёдда элчихонаси, 1997 - йил март ойида Тошкентда Саудия Арабистони элчихонаси очилганлиги. 1996 - йил январ ойида "Ўзбектуризм" М.К.нинг "Ал - Марва" ширкати билан туризм ва авиачипталарни сотиш тўғрисида битим имзолаганлиги.
Африка мамлакатлари туризм марказлари
Миср Араб Республикаси. Пойтахти Қоҳира шаҳри. Иқлими - тропик континентал иқлим. Давлат тузуми - демократик социалистик республика. Майдони - 1001,4 минг кв. км., аҳолиси - 69,5 млн. киши (2001 - йил), тили - араб, дини - ислом, пул бирлиги - Миср фунти. Йирик шаҳарлари: Қоҳира, Искандария, Порт - Саид, Исмоилия, Танта, Сувайш, Ал - Мансура, Даманҳур, Ал - Маҳаллат - ул - Кубро. Миллий байрами - 23 июль - Инқилоб куни (1952 - йил)
Сайёҳлик йўналишлари ва туризм: Мисрнинг инсоният цивилизацияси қадим маданият марказларидан бири эканлиги. Тарихий, диний туризм: Бавит, Водий Натрун, Сўҳож саҳроларидаги христиан монастирлари, Нил шарқий қирғоқларидаги Фустат қалъаси, Гиза фиръавнлари, эҳромлари, Амир масжиди, Ибн Тулун масжиди, Аль - Азхар масжиди, Қоҳира музейидаги Тутанхамоннинг олтин ниқоби, Симбелдаги дунёдаги йирик очиқ осмон остидаги музей, мадрасалар, Хатшепсит ибодатхонаси, 2 - 5 юлдузли отеллари. Масалан, Intercontinental *****.
Ўзбекистон - Миср Араб Республикаси муносабатлари. 1992 - йил январда Миср Араб Республикаси делегациясининг Ўзбекистонга, 1992 - йил декабрда Ўзбекистон Республикаси президенти И. А. Каримовнинг Мисрга ташрифи.
Тунис. Пойтахти Тунис шаҳри. Иқлими - шимолда субтропик, жанубда тропик иқлим. Шимолий Африка марказидаги кичик араб давлати. Давлат тузуми - республика. Майдони - 164,2 минг кв. км., аҳолиси - 9,8 млн. киши (2002 - йил), тили - араб, дини - ислом, пул бирлиги - Тунис динори. Йирик шаҳарлари: Тунис, Сфакс, Сус, Бизерта, Қайруван. Миллий байрами - 20 март - Мустақиллик куни (1956 - йил).
Сайёҳлик йўналишлари ва турлари: энг шимолий қисми (Кал Бон) дан Сицилиягача (140 км) ва Тунисни бемалол автобусларда экскурсия қилиб чиқиш мумкин эканлиги. Ўрта денгиз соҳилидаги пляжлари. Август - энг иссиқ, январь - энг совуқ ойлар. Май - июнь, сентябрь - октябрь энг баҳмал мавсум эканлиги. Туризм: сув спорти турлари, ката маран, яхта туризм, туя ва жипда сайр. Пойтахт марказидаги Зитун масжиди ва шарқ бозори, дунёдаги қадим Рим мозаика (мозаика - қадама (терма) нақш ва шундай нақш ишлаш санъати) суратлари экспозициялари жамланган Бардо музейи, машҳур саркарда Ганнибал туғилган Карфаген шаҳри, унинг салобатли бинолари харобалари, 50 минг тамошабин сиғадиган амфитеатри, император Антонийнинг жамоат терм (ҳаммом) лари. Рассомлар, шоир ва ёзувчилар учрашадиган табиати гўзал Сиди Бу Саид шаҳарчаси. Отеллари: Royal azur*****, Marhaba***.