Ўзбекистон таълим тизимини ривожлантиришда креатив фикрлашни жорий этишнинг зарурияти Косимова Зарина

Ўзбекистон таълим тизимини ривожлантиришда креатив фикрлашни жорий этишнинг зарурияти
Косимова Зарина
Ўзбекистон Республикаси Президенти ҳузуридаги давлат бошқаруви академияси мустақил изланувчиси
Email: [e-mail]
Аннотация. Ушбу илмий мақолада креатив фикрлаш, унинг мазмун-моҳияти ва зарурияти асосланган. Ўзбекистоннинг халқаро PISA-2022 тадқиқотларида етакчи ўринларни эгаллашининг муҳим омили сифатида мамлакат мактаб ўқувчилари орасида креатив фикрлашни (ижодкорликни) ривожлантиришнинг долзарблиги келтирилган. Олиб борилган тадқиқот натижасида мамлакат мактаб ўқувчилари орасида креатив фикрлашнинг ривожланиши натижасида келиб чиқадиган ижобий ҳолатлар аниқланган.
Калит сўзлар: креатив фикрлаш, креатив ёндашув, тажриба, ташаббускорлик, PISA, креатив фикрлашларини баҳоловчи халқаро рейтинг, саводхонлик, рақобатбардошлик.
The need to introduce creative thinking in the development of the education system of Uzbekistan
Kosimova Zarina
Independent researcher of the Academy of Public Administration under the President of the Republic of Uzbekistan
Abstract. This scientific article is based on creative thinking, its essence and necessity. An important factor in Uzbekistan's leading position in the international PISA-2022 research is the urgency of developing creative thinking (creativity) among schoolchildren in the country. The study identified positive aspects that result from the development of creative thinking among schoolchildren in the country.
Keywords: creative thinking, creative approach, experience, initiative, PISA, international rating of creative thinking, literacy, competitiveness.
Необходимость внедрения творческого мышления в развитие системы образования Узбекистана
Косимова Зарина
Независимый научный сотрудник Академии государственного управления при Президенте Республики Узбекистан
Аннотация. Данная научная статья основана на творческом мышлении, его сущности и необходимости. Важным фактором лидирующего положения Узбекистана в международном исследовании PISA-2022 является актуальность развития творческого мышления (креативности) у школьников страны. В ходе исследования выявлены положительные стороны, являющиеся следствием развития творческого мышления у школьников страны.
Ключевые слова: творческое мышление, творческий подход, опыт, инициатива, PISA, международный рейтинг творческого мышления, грамотность, конкурентоспособность.
Кириш
Креатив тушунчалар ва ёндашувлар дунёнинг турли минтақаларида инсоният маданиятининг равнақ топишига [1], жумладан улар табиий, фалсафа, санъат ва гуманитар фанларнинг ривожланишига туртки бўлди. Шундай экан, креатив фикрлаш шунчаки тасодифий келадиган фикрлардан фарқ қилади. Бу билим ва тажрибага асосланган ҳақиқий компетенция ҳисобланиб, инсонларнинг кескин ва мураккаб вазиятларда кутилган натижаларга эришишларига имкон беради.
Креативлик - бу анъанавий ёки қабул қилинган фикрлаш шаклларидан узоқлашиб, янги нарсаларни яратиш қобилияти. Ижодий фикрлаш ёрдамида биз янги ғояларни ишлаб чиқишимиз, бошқача ҳаракат қилишимиз ва қийин вазиятлардан чиқиш йўлларини топишимиз мумкин. Ижодкорликнинг асосий принципи - мавжуд бўлган нарсани олиш ва ундан бошқача тарзда фойдаланиш.
Дунё миқёсидаги ташкилотлар ва жамиятлар инновацион ғоялар ва креатив фикрлашга нисбатан умумий ташаббускорлик деб қараб, юзага келаётган мураккабликларни енгишда инновацион ғоялар, билим ва кўникмаларни эгаллашга эътибор қаратмоқда [2]. Шу жиҳатдан олганда, Ўзбекистоннинг 2022 йилда 90 дан ортиқ давлат иштирок этиши кутилаётган[3] таълим тизимининг аҳволи, балки аҳолида асосий компетенциялар шаклланганлик даражаси, унинг замонавий жамият муаммоларини ечишга тайёрлиги, ўзбек давлати ва таълимининг глобал рақобатбардошлиги баҳоланадиган PISA тадқиқотларини ўтказишга тайёргарлик кўраётганлиги ҳам, унинг инсон капитали инвестицияларининг даражасини ва мамлакатда етишиб чиқаётган кадрларнинг рақобатбардошлигини баҳолашда муҳим аҳамият касб этади. Илмий мақола мавзусининг долзарблиги ҳам шу орқали намоён бўлади.